ചുരുങ്ങിയ കാലം കൊണ്ട് മലയാളത്തിന് പുറമെ തമിഴിലും തെലുങ്കിലുമെല്ലാം തന്റെ സ്ഥാനം കണ്ടെത്താന്‍ കഴിഞ്ഞ നടിയാണ് മേഘ്ന രാജ്. ഒരേ ഇന്‍ഡസ്ട്രിയില്‍ തന്നെ വാരിവലിച്ച് സിനിമകള്‍ ചെയ്യാനൊന്നും മേഘ്ന തയ്യാറല്ല. അതുകൊണ്ട് തന്നെ മേഘ്ന സെലക്ടീവാണ്. സെലക്ടീവ് ആയതു കൊണ്ടു മാത്രം ധാരാളം സിനിമകള്‍ മേഘ്‌നയ്ക്ക് നഷ്ടമായിട്ടുണ്ട്. പക്ഷേ അതില്‍ മേഘ്ന ദു:ഖിതയോ നിരാശയോ അല്ല.ഏതെങ്കിലും ഒരു സിനിമാ രംഗത്ത് ഒരുപോലെയുള്ള വേഷങ്ങള്‍ അവതരിപ്പിച്ച് പിടിച്ചു നില്‍ക്കുന്നതിനോട് എനിക്ക് യോജിപ്പില്ല. കഥാപാത്രങ്ങളിലെ വ്യത്യസ്തതയാണ് പ്രേക്ഷകര്‍ക്കു മുന്നില്‍ എന്നും നിറഞ്ഞു നില്‍ക്കാന്‍ പറ്റിയ വഴിയെന്ന് മേഘ്ന പറയുന്നു
രാജ ഹുളി എന്ന സിനിമയുടെ വിജയത്തിനു ശേഷം നിരവധി അവസരങ്ങള്‍ വന്നതാണ്. എന്നാല്‍ ഞാനതെല്ലാം നിരസിച്ചു. ഒരേ തരത്തിലുള്ള വേഷങ്ങള്‍ വീണ്ടും വീണ്ടും ചെയ്യാന്‍ ആഗ്രഹമില്ലാത്തതു കൊണ്ടു തന്നെയാണ് അങ്ങനെ ചെയ്തതെന്നും ഉറച്ച ശബ്ദത്തില്‍ മേഘ്ന പറഞ്ഞു.
