ന്യൂഡല്ഹി: കണ്ണൂര് പാര്ട്ടി കോണ്ഗ്രസില് അവതരിപ്പിക്കാനുള്ള കരട് രാഷ്ട്രീയ പ്രമേയത്തിെന്റ രൂപരേഖയില് കോണ്ഗ്രസ് ബന്ധം തുടരുന്നത് സംബന്ധിച്ച് അന്തിമ തീരുമാനമെടുക്കാനാകാതെ മൂന്നുദിവസം നീണ്ട കേന്ദ്ര കമ്മിറ്റി യോഗം അവസാനിച്ചു. കോണ്ഗ്രസ് ബന്ധം തുടരുന്നതിലെ എതിര്പ്പ്് കേരള ഘടകം ആവര്ത്തിച്ചു.
2018ലെ ഹൈദരാബാദ് പാര്ട്ടി കോണ്ഗ്രസ് അംഗീകരിച്ച നയം മാറ്റുമോ എന്ന് ഈ ഘട്ടത്തില് പറയാനാകില്ലെന്ന് കേന്ദ്ര കമ്മിറ്റി യോഗം അവസാനിച്ചതിന് പിന്നാലെ പാര്ട്ടി ജനറല് സെക്രട്ടി സീതാറാം യെച്ചൂരി ഞായറാഴ്ച മാധ്യമങ്ങളോട് പറഞ്ഞു. കേന്ദ്ര കമ്മിറ്റി യോഗത്തില് കീഴ്വഴക്കങ്ങള് ലംഘിച്ച് മുഖ്യമന്ത്രി പിണറായി വിജയന് സംസാരിച്ചെന്ന മാധ്യമ റിപ്പോര്ട്ടുകള് വസ്തുതവിരുദ്ധമാണെന്നും പോളിറ്റ്ബ്യൂറോ അംഗങ്ങള്ക്ക് കേന്ദ്ര കമ്മിറ്റിയില് സംസാരിക്കാന് പ്രത്യേക അനുമതി വേണമെന്നും യെച്ചൂരി കൂട്ടിച്ചേര്ത്തു.
രാഷ്ട്രീയ പ്രമേയത്തിെന്റ കരട് തയാറാക്കാന് നവംബര് 13, 14 തീയതികളില് പൊളിറ്റ്ബ്യൂറോ ചേരും, ജനുവരിയില് കേന്ദ്ര കമ്മിറ്റിയും. കോണ്ഗ്രസ് ബന്ധം തുടരുന്നതില് വീണ്ടും വിശദമായ ചര്ച്ചയുണ്ടാകും.
പാര്ട്ടി കോണ്ഗ്രസിന് രണ്ടുമാസം മുമ്ബ് കരട് കീഴ്ഘടകങ്ങളിലെ ചര്ച്ചക്കായി അയക്കും. ഹൈദരാബാദ് പാര്ട്ടി കോണ്ഗ്രസിന് തൊട്ടുമുമ്ബും കോണ്ഗ്രസ് ബന്ധം സംബന്ധിച്ച് പാര്ട്ടിയില് ഭിന്നത രൂക്ഷമായിരുന്നു. ഒടുവില് കോണ്ഗ്രസുമായി ധാരണ വേണമെന്ന സീതാറാം യെച്ചൂരിയുടെ നിലപാടിന് അംഗീകാരം ലഭിക്കുകയാണുണ്ടായത്.