വാഷിങ്ടണ്‍: ഫേസ്ബുക്കിനെ ആപ് സ്റ്റോറില്‍ നിന്നും നീക്കുമെന്ന് ടെക് ഭീമന്‍ ആപ്പിള്‍ ഭീഷണി മുഴക്കിയതായി റിപ്പോര്‍ട്ട്മനുഷ്യക്കടത്തിന് ഫേസ്ബുക്ക് ഉപയോഗിക്കുന്നുവെന്ന വാര്‍ത്തകളെ തുടര്‍ന്നാണ് ആപ് സ്റ്റോറില്‍ നിന്ന് ഫേസ്ബുക്കിനെ നീക്കുമെന്ന് അറിയിച്ചത് . മനുഷ്യക്കടത്തുക്കാര്‍ ഫേസ്ബുക്ക് ഉപയോഗിച്ച്‌ എങ്ങനെ ആളുകളെ വില്‍ക്കുന്നു എന്നതിനെ സംബന്ധിച്ച്‌ ബി.ബി.സി ഒരു റിപ്പോര്‍ട്ട് പ്രസിദ്ധീകരിച്ചിരുന്നു. 2019ലാണ് ഇതുസംബന്ധിച്ച റിപ്പോര്‍ട്ട് പ്രസിദ്ധീകരിച്ചത്. തുടര്‍ന്നായിരുന്നു ആപ്പിളിന്‍റെ ഭീഷണി.
2019ല്‍ മിഡില്‍ ഈസ്റ്റ് കേന്ദ്രമാക്കി പ്രവര്‍ത്തിക്കുന്ന മനുഷ്യക്കടത്ത് സംഘം ഫേസ്ബുക്കിന്‍റെ സഹായത്തോടെ പ്രവര്‍ത്തിക്കുന്നുവെന്ന് കമ്ബനിക്ക് വ്യക്തമായിരുന്നു. ഫേസ്ബുക്ക് തന്നെ നടത്തിയ അന്വേഷണത്തിലാണ് ഇക്കാര്യം വ്യക്തമായത്. ഇതിനെ കുറിച്ചും ബി.ബി.സി റിപ്പോര്‍ട്ടില്‍ പരാമര്‍ശമുണ്ട്. എന്നാല്‍, ഇതിന് മുമ്ബ് തന്നെ ഇക്കാര്യം ഫേസ്ബുക്കിന് അറിയാമായിരുന്നുവെന്നാണ് വാര്‍ത്തകള്‍.
തുടര്‍ന്നാണ് ഫേസ്ബുക്കിനെ ആപ് സ്റ്റോറില്‍ നിന്നും നീക്കുമെന്ന ഭീഷണി ആപ്പിള്‍ മുഴക്കിയത്. എന്നാല്‍, ആപ്പിളിന്‍റെ മുന്നറിയിപ്പിനോട് ഫേസ്ബുക്ക് എങ്ങനെ പ്രതികരിച്ചു എന്നത് സംബന്ധിച്ച്‌ വ്യക്തതയില്ല. നിലവില്‍ ഈ വിഷയത്തില്‍ പരസ്യപ്രതികരണം നടത്താന്‍ ആപ്പിളോ ഫേസ്ബുക്കോ തയാറായിട്ടില്ല. നേരത്തെ സ്വകാര്യത സംബന്ധിച്ചും ഇരു കമ്ബനികളും തമ്മില്‍ തര്‍ക്കങ്ങളുണ്ടായിരുന്നു
