![](https://malabarsabdam.com/wp-content/uploads/2023/01/work-shop-1200x630-2.jpg)
സംസ്ഥാനത്തെ സര്ക്കാര് വിദ്യാഭ്യാസ സ്ഥാപനങ്ങളില് പാഠ്യപദ്ധതി പ്രവര്ത്തി പരിചയത്തിന്റെ മറവില് ആയുധനിര്മ്മാണം നടക്കുന്നതായി എഡിജിപിയുടെ റിപ്പോര്ട്ട്. കഴിഞ്ഞ ഡിസംബര് 21നാണ് ഇത് സംബന്ധിച്ച റിപ്പോര്ട്ട് എഡിജിപി സര്ക്കാരിന് നല്കിയത്.ഇതിന്റെ പശ്ചാത്തലത്തില് പാഠ്യപദ്ധതി പ്രവര്ത്തി പരിചയത്തിന്റെ മറവില് ആയുധനിര്മ്മാണം നടക്കുന്നില്ലെന്ന് ഉറപ്പുവരുത്താന് സാങ്കേതിക വിദ്യാഭ്യാസ വകുപ്പിന് കീഴിലെ എല്ലാ സ്ഥാപനമേധാവികള്ക്കും വിദ്യാഭ്യാസ ഡയറക്ടറുടെ നിര്ദേശം നല്കി.
ലാബുമായി ബന്ധപ്പെട്ട വിഷയങ്ങളില് കൃത്യമായ നിരീക്ഷണവും മേല്നോട്ടവും ഉണ്ടാകണമെന്ന് ഉത്തരവില് നിര്ദ്ദേശിക്കുന്നു. അധ്യാപകരും ലാബ് ജീവനക്കാരും ഇക്കാര്യം ശ്രദ്ധിക്കണമെന്നാണ് ഉത്തരവിലുള്ളത്. സ്ഥാപനമേധാവികളും പ്രത്യേക ശ്രദ്ധ ചെലുത്തണമെന്ന് സാങ്കേതിക വിദ്യാഭ്യാസ ഡയറക്ടര്- ഇന് ചാര്ജ് ഡോ. ബൈജുഭായ് ടി.പി നിര്ദ്ദേശിച്ചു.
![](https://malabarsabdam.com/wp-content/uploads/2022/08/IMG-20230326-WA0071.jpg)
![](https://malabarsabdam.com/wp-content/uploads/2022/08/jps-1.jpg)