ചങ്ങരംകുളം: കോവിഡ് രോഗികള്‍ക്കായി സജ്ജമാക്കിയ ഗൃഹവാസ പരിചരണ കേന്ദ്രത്തില്‍ വളന്‍റിയറായി ആലങ്കോട് പഞ്ചായത്തിലെ പന്താവൂര്‍ സ്വദേശികളായ സാജിതയും മകള്‍ അഞ്ജലയും.
പതിനഞ്ച് ദിവസമായി ഇവര്‍ കാലടി ഗ്രാമപഞ്ചായത്തിലെ കണ്ടനകം ഗൃഹ വാസ പരിചരണ കേന്ദ്രത്തില്‍ രോഗികള്‍ക്കായി സൗജന്യ സേവനം ചെയ്തുകൊണ്ടിരിക്കുകയാണ്.
മലപ്പുറം ജില്ല ട്രോമ കെയറിെന്‍റ കീഴില്‍ ചങ്ങരംകുളം യൂനിറ്റ് അംഗങ്ങളാണ് ഇവര്‍. കോഴിക്കോട് എ.യു.ഡബ്ല്യ.എച്ച്‌ കോളേജില്‍ അവസാന വര്‍ഷ ബിരുദ വിദ്യാര്‍ഥിയാണ് അഞ്ജല.മൂക്കുതല ഹയര്‍സെക്കന്‍ഡറി സ്കൂളിലെ എസ്.എസ്.എല്‍.സി പരീക്ഷ കേന്ദ്രത്തില്‍ മുഴുവന്‍ ദിവസങ്ങളിലും ഇരുവരും സേവനം ചെയ്തിരുന്നു.
