ദോഹ: സഞ്ചാരികളെ കൂടുതലായി ഖത്തറിലേക്ക് ആകര്ഷിക്കുന്നതിനുള്ള പദ്ധതികളുടെ ഭാഗമായി ഖത്തര് എയര്വേസുമായി ചേര്ന്ന് സ്റ്റോപ് ഓവര് കാമ്ബയിനുമായി ഖത്തര് ടൂറിസം.
സഞ്ചാരികളെ ആകര്ഷിക്കുന്നതിനായി ഖത്തര് ടൂറിസം മുന്നോട്ടുവെക്കുന്ന ആറിന പരിപാടികളിലൊന്നാണ് സ്റ്റോപ് ഓവര് കാമ്ബയിന്. നവംബര് മുതല് ലോകകപ്പ് കഴിയുന്നതുവരെ ഖത്തറിലേക്ക് 15 ലക്ഷത്തിലധികം സന്ദര്ശകരെയാണ് പ്രതീക്ഷിക്കുന്നത്.
ഖത്തര് പ്രധാന ട്രാന്സിറ്റ് വിമാനത്താവളങ്ങളിലൊന്നാണെന്നും ജനങ്ങള് വരുകയും പോകുകയും മാത്രമാണ് ചെയ്യുന്നതെന്നും ഇതിന് മാറ്റം വരുത്തേണ്ടതുണ്ടെന്നും ഖത്തര് ടൂറിസം സി.ഒ.ഒ ബെര്തോള്ഡ് െട്രന്കെല് പറഞ്ഞു. ഖത്തര് സാമ്ബത്തിക ഫോറത്തില് സ്പോര്ട്സ് ആന്ഡ് ടൂറിസം-എ വിന് വിന് ഫോര് നാഷനല് േഗ്രാത്ത് എന്ന സെഷനില് സംസാരിക്കുകയായിരുന്നു അദ്ദേഹം.
ജൂണ് അവസാനത്തോടെ കൂടുതല് ട്രാന്സിറ്റ് സന്ദര്ശകരെ ആകര്ഷിക്കുന്നതിനുള്ള പദ്ധതികള് ആരംഭിക്കുമെന്ന് ഈ മാസം തുടക്കത്തില് ട്രെന്കെല് പുറത്തുവിട്ടിരുന്നു. നിലവില് ഖത്തര് എയര്വേസ് ട്രാന്സിറ്റ് യാത്രക്കാര്ക്ക് സ്റ്റോപ് ഓവര് പാക്കേജ് നല്കിവരുന്നുണ്ട്.
വീണ്ടും സന്ദര്ശിക്കുന്നതിനുള്ള േപ്രാത്സാഹനം, എയര്ലൈനുകള്ക്ക് സാമ്പത്തിക പ്രയോജനം കൊണ്ടുവരുക, യാത്രക്കാരെ ആകര്ഷിക്കുക, ഒരു ടിക്കറ്റില് യാത്രക്കാര്ക്ക് രണ്ടു ലക്ഷ്യസ്ഥാനങ്ങള് അനുവദിക്കുക തുടങ്ങിയവയാണ് സ്റ്റോപ് ഓവര്കൊണ്ട് അര്ഥമാക്കുന്നത്.
ഖത്തറിലേക്ക് ഡ്രൈവ് ചെയ്ത് സന്ദര്ശകരെ എത്തിക്കുകയാണ് മറ്റൊരു പദ്ധതിയെന്നും അതുവഴി ചരിത്രവും സംസ്കാരവും അറിയാനുള്ള അവസരമൊരുങ്ങുമെന്നും ട്രെന്കെല് വ്യക്തമാക്കി. ഖത്തറിലെ മ്യൂസിയങ്ങള് സന്ദര്ശകരെ ആകര്ഷിക്കുന്നതിനുള്ള ഘടകങ്ങളാണെന്നും സൂഖ് വാഖിഫും ഖത്തറിലെ പ്രധാന സഞ്ചാരകേന്ദ്രമാണെന്നും െട്രന്കെല് പറഞ്ഞുഫിഫ ലോകകപ്പ് ആതിഥേയരെന്ന നിലയില് ഖത്തര് സഞ്ചാരികളുടെ ആകര്ഷകകേന്ദ്രമാണെന്നും രാജ്യത്തിന്റെ ടൂറിസം ഇക്കണോമി വര്ധിപ്പിക്കുന്നതിലെ പ്രധാന ഘടകമായി ഫിഫ ലോകകപ്പ് മാറുമെന്നും അദ്ദേഹം സൂചിപ്പിച്ചു.