കോഴിക്കോട്: മലപ്പുറത്ത് മുസ്ലിം ലീഗ് സ്ഥാനാര്ഥിയായി ഇ. അഹമ്മദ് തന്നെ മത്സരിക്കുമെന്നു സൂചന. പി.കെ. കുഞ്ഞാലിക്കുട്ടി നടത്തിയ അനുനയ നീക്കത്തിനൊടുവിലാണു ധാരണ.നാടകീയ സംഭവങ്ങള്ക്കൊടുവിലാണു ഇ. അഹമ്മദ് തന്നെ മത്സരിക്കാനുള്ള ധാരണ. ഇതിന്റെ ഭാഗമായി നടന്ന ചര്ച്ചകളെക്കുറിച്ചു പൂര്ണ വ്യക്തതയില്ലെങ്കിലും, ഇന്നലെ രാത്രിക്കു ശേഷം നടത്തിയ തുടര്ച്ചയായ ചര്ച്ചകള്ക്കൊടുവിലാണ് ഇന്നു നടന്ന ലീഗ് സെക്രട്ടേറിയറ്റ് യോഗം ഈ തീരുമാനത്തിലെത്തിയത്.
ഇപ്പോള് പ്രവര്ത്തക സമിതി യോഗം നടക്കുകയാണ്. പ്രവര്ത്തക സമിതി യോഗത്തില് മലപ്പുറം സീറ്റ് സംബന്ധിച്ച തീരുമാനം അറിയിക്കും. ഇതിനുശേഷം സ്ഥാനാര്ഥി പ്രഖ്യാപനമുണ്ടാകും.
