മസ്കത്ത്: സി.ബി.എസ്.ഇ 10, 12 ക്ലാസ് പരീക്ഷകളില് ശ്രേദ്ധയമായ വിജയം കൈവരിച്ച് സൂര് ഇന്ത്യന് സ്കൂള്.
സ്കൂള് മാനേജ്മെന്റ്, പ്രിന്സിപ്പല്, അധ്യാപകര്, ജീവനക്കാര്, വിദ്യാര്ഥികള് എന്നിവരുടെ കൂട്ടായ്മയുടെ ഫലമാണ് മികച്ച വിജയം കൈവരിക്കാന് സഹായിച്ചതെന്ന് അധികൃതര് അറിയിച്ചു. ഈ വര്ഷം പന്ത്രണ്ടാം ക്ലാസില് 35 കുട്ടികളായിരുന്നു പരീക്ഷ എഴുതിയത്.
10 പേര് ഡിസ്റ്റിങ്ഷനും 14 പേര് ഫസ്റ്റ് ക്ലാസോടെയും വിജയിച്ചു. മികച്ച വിജയം കൈവരിച്ച വിദ്യാര്ഥികളെയും അവരെ പ്രാപ്തരാക്കിയ അധ്യാപകരെയും സ്കൂള് മാനേജ്മെന്റ് കമ്മിറ്റി പ്രസിഡന്റ് മുഹമ്മദ് അമീന്, എസ്.എം.സിയിലെ മറ്റ് അംഗങ്ങള്, പ്രിന്സിപ്പല് ഡോ. എസ് ശ്രീനിവാസന് എന്നിവര് അഭിനന്ദിച്ചു.
സയന്സ് സ്ട്രീമില് 93.6 ശതമാനം മാര്ക്കുമായി എം.എസ്. ഖസീന ഇമാന് സ്കൂള് തലത്തില് ഒന്നാമതെത്തി. രണ്ടാംസ്ഥാനത്തുള്ള എം.എസ്. ജൗവാന റൊമാനി 93.4 ശതമാനം മാര്ക്കാണ് നേടിയത്. 92.6 ശതമാനം മാര്ക്കുമായി അമ്മു സുരേഷ് മൂന്നാം സ്ഥാനവും നേടി.
വിവിധ വിഷയങ്ങളില് ഉന്നത വിജയം നേടിയവര്: ജൗവാന റൊമാനി റഷീദ്- ഇംഗ്ലീഷ്, കെമിസ്ട്രി, മീര രാംകുമാര് -ഇംഗ്ലീഷ്, കമ്ബ്യൂട്ടര് സയന്സ്, അമ്മു സുരേഷ് -ഫിസിക്സ്, ഖസീന ഇമാന് -ബയോളജി, ഫിസിക്കല് എജുക്കേഷന്, കൃഷ്ണ നന്ദന-ഫിസിക്കല് എജുക്കേഷന്, ഇസ്ര നാസര്- ഫിസിക്കല് എജുക്കേഷന്.
പത്താം ക്ലാസ് പരീക്ഷയിലും മികച്ച വിജയമാണ് സ്കൂള് കരസ്ഥമാക്കിയത്. 95.2 ശതമാനം മാര്ക്കുമായി ഘനശ്യാം കടവത്ത് വളപ്പില് സ്കൂള് തലത്തില് ഒന്നാമതെത്തി. 93.2 ശതമാനം മാര്ക്കുള്ള മാര്ഗരറ്റ് സോഫിയ മൈക്കല് രണ്ടാംസ്ഥാനം കരസ്ഥമാക്കി, ഹിബ ഷെറിന് പനോല, ഷഹ്ല താജുന്നിസ എന്നിവര് 92.6 ശതമാനം മാര്ക്കുമായി മൂന്നം സ്ഥാനവും പങ്കിട്ടു.