സിനിമാ തിരക്കുകള്ക്കിടയിലും കുടംബത്തോടൊപ്പം സമയം ചിലവഴിച്ച് ദുല്ഖര് സല്മാന്. വിവാഹജീവിതം പത്തു വര്ഷം പിന്നിട്ടതിന്റെ സന്തോഷം പങ്കിടാന് രാജസ്ഥാനില് എത്തിയിരിക്കുകയാണ് ദുല്ഖറും ഭാര്യ അമാല് സൂഫിയയും.
രാജസ്ഥാനിലെ ആഡംബര റിസോര്ട്ടായ സിക്സ് സെന്സസ് ഫോര്ട്ട് ബര്വാരയിലാണ് എത്തിയത്. ബോളിവുഡ് താരങ്ങളായ കത്രീന കൈഫും വിക്കി കൗശാലും വിവാഹിതരായത് ഇവിടെ വച്ചാണ്. അമാലിനൊപ്പം അവധി ആഘോഷിച്ചതിന്റെ വീഡിയോ ദുല്ഖര് ഇന്സ്റ്റാഗ്രാമില് പങ്കുവച്ചു.
’നമ്മള് ജീവിക്കുന്ന കാലങ്ങള്. സംസ്ഥാനങ്ങളെ രാജ്യങ്ങളെപ്പോലെയാക്കുന്നു. സുഹൃത്തുക്കള് ശത്രുക്കളെപ്പോലെ തോന്നുന്നു. കഴിഞ്ഞ മാസം കഴിഞ്ഞ വര്ഷം പോലെ തോന്നുന്നു. നില്ക്കൂ, ആ അവസാന വരി മായ്ക്കൂ”എന്ന് കുറിച്ചു കൊണ്ടാണ് ദുല്ഖര് വീഡിയോ പങ്കുവച്ചിരിക്കുന്നത്.