സ്കൂട്ടറില് ഇടിച്ച കാറിനെ പിന്തുടര്ന്ന വീട്ടമ്മയെ വീണ്ടും അതേ കാര് ഇടിച്ചു തെറിപ്പിച്ചു. ഗുരുതര പരിക്കേറ്റ വീട്ടമ്മയെ നെട്ടൂരിലെ സ്വകാര്യ ആശുപത്രിയില് തീവ്രപരിചരണ വിഭാഗത്തില് പ്രവേശിപ്പിച്ചു.
അരൂര് ഗോകുലത്തില് സുനിത സതീശനാണ് പരിക്കേറ്റത്. ഞായറാഴ്ച രാവിലെയായിരുന്നു സംഭവം. ട്യൂഷന് ടീച്ചറായ സുനിത വിദ്യോദയാ ട്യൂഷന് സെന്ററില് നിന്ന് രാവിലെയുള്ള ട്യൂഷന് കഴിഞ്ഞ് സ്കൂട്ടറില് വീട്ടിലേക്ക് മടങ്ങവെ അരൂര് ക്ഷേത്രം കവലയില് വച്ചാണ് ആദ്യം കാറിടിച്ചത്. പിന്നിലൂടെ വന്ന കാര് സ്കൂട്ടറില് ഇടിക്കുകയായിരുന്നു.
ഇടിച്ച കാറിന്റെ നന്പറിനായി കാറിനെ പിന്തുടര്ന്ന സുനിതയെ അരൂര് പള്ളി സ്റ്റോപ്പില് അതേ കാര് വീണ്ടും ഇടിച്ചു തെറിപ്പിച്ചു. ഉടന് അരൂരിലെ സ്വകാര്യ ആശുപത്രിയിലും തുടര്ന്ന് വിദഗ്ധ ചികിത്സയ്ക്കായി നെട്ടൂരിലെ സ്വകാര്യ ആശുപത്രിയിലും പ്രവേശിപ്പിക്കുകയായിരുന്നു.
FLASHNEWS