മുംബൈ: മഹാരാഷ്ട്രയില്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച ബന്ധു അറസ്റ്റില്‍. തനെയില്‍ ആറ് വയസുകാരിയായ പെണ്‍കുട്ടിയാണ് പീഡനത്തിന് ഇരയായത്.
കുട്ടിയുടെ അമ്മാവനാണ് പ്രതി. കുട്ടി പ്രതിയുടെ വീട്ടില്‍ കളിക്കാന്‍ എത്തിയിരുന്നു. ഈ സമയം വീട്ടില്‍ ആരുമില്ലായിരുന്നു. തുടര്‍ന്ന് ഇയാള്‍ കുട്ടിയെ പീഡിപ്പിച്ചു.
തിരികെ സ്വന്തം വീട്ടിലെത്തിയ കുട്ടി പിറ്റേന്നാണ് സംഭവത്തെക്കുറിച്ച് അമ്മയോട് വെളിപ്പെടുത്തിയത്. ഉടന്‍ തന്നെ ഹില്‍ ലൈന്‍ പോലീസ് സ്‌റ്റേഷനിലെത്തിയ മാതാപിതാക്കള്‍ പോലീസില്‍ പരാതി നല്‍കുകയും ചെയ്തു.
പോലീസ് അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി. ഇയാളെ സെപ്റ്റംബര് 18 വരെ പോലീസ് കസ്റ്റഡിയില്‍ വിട്ടു.
