ഹൈദരാബാദ്: തെലങ്കാന മുഖ്യമന്ത്രി കെ ചന്ദ്രശേഖര് റാവു സഞ്ചരിച്ച ഹെലികോപ്റ്ററില് തീപിടുത്തം. ഹെലികോപ്റ്റര് പറന്നുയരാന് തുടങ്ങുന്നതിനിടെ മുഖ്യമന്ത്രിയുടെ ഓഫീസ് ലഗേജിന് തീപിടിക്കുകയായിരുന്നു. ഉടനെ സുരക്ഷാ ഉദ്യോഗസ്ഥര് എത്തി ബാഗ് പുറത്തേക്ക് വലിച്ചെറിഞ്ഞതിനാല് വലിയ ദുരന്തം സംഭവിച്ചില്ല.
രാവിലെ പത്തരയോടെയായിരുന്നു സംഭവം. ലഗേജിലുണ്ടായിരുന്ന വസ്തുവിനാണ് ആദ്യം തീപിടിച്ചത്. പിന്നീട് ബാഗ് കത്താന് തുടങ്ങിയതോടെ സുരക്ഷ ഉദ്യോസ്ഥന് ഓടിയെത്തി ഇത് ദൂരേക്ക് വലിച്ചെറിയുകായിരുന്നു.
കരിംനഗറില് ഔദ്യോഗിക പരിപാടിക്ക് എത്തിയ ചന്ദ്രശേഖര് റാവു ചടങ്ങിന് ശേഷം പുറപ്പെടാന് തുടങ്ങുമ്ബോഴായിരുന്നു സംഭവം.സംഭവത്തില് സുരക്ഷാ ഉദ്യോഗസ്ഥര് അന്വേഷണം ആരംഭിച്ചു.