പാലക്കാട് വിദ്യാര്ഥികള്ക്കുനേരെ സദാചാര ആക്രമണമെന്ന് പരാതി. മണ്ണാര്ക്കാട് കരിമ്പ എച്ച്.എസ്.എസിലെ വിദ്യാര്ഥികള്ക്കാണ് മര്ദനമേറ്റത്. സ്കൂളിന് സമീപത്തെ ബസ് സ്റ്റോപ്പില് പെണ്കുട്ടികളും ആണ്കുട്ടികളും ഒരുമിച്ചിരുന്നു എന്ന് ആരോപിച്ചായിരുന്നു മര്ദനം. വിദ്യാര്ഥികള് നല്കിയ പരാതിയില് ഒരാള് അറസ്റ്റിലായി.
കരിമ്പ സ്വദേശി സിദ്ദിഖിനെയാണ് കല്ലടിക്കോട് പൊലീസ് അറസ്റ്റ് ചെയ്തത്. സ്കൂള് വിട്ട ശേഷം സമീപത്തെ ബസ് സ്റ്റോപ്പില് ബസ് കാത്തിരിക്കുമ്പോഴായിരുന്നു സംഭവം. അഞ്ച് പെണ്കുട്ടികളും അഞ്ച് ആണ്കുട്ടികളുമായിരുന്നു ഉണ്ടായിരുന്നത്.