മധ്യേവനലവധിക്ക് ശേഷം സംസ്ഥാനത്തെ സ്കൂളുകള്‍ വ്യാഴാഴ്ച തുറക്കും. പള്ളിക്കൂടമുറ്റങ്ങളില്‍ നിന്ന് ഇന്നുമുതല്‍ അറിവിെന്‍റയും കൂട്ടുകൂടലിെന്‍റയും ആഹ്ലാദാരവങ്ങള്‍ മുഴങ്ങും. മൂന്ന് ലക്ഷത്തിലധികം വിദ്യാര്‍ഥികള്‍ ഇത്തവണ ഒന്നാം ക്ലാസില്‍ എത്തുമെന്നാണ് പ്രതീക്ഷിക്കുന്നത്.
സ്കൂള്‍ തുറക്കുംമുെമ്ബ പാഠപുസ്തകം, സൗജന്യ യൂനിഫോം എന്നിവയുടെ വിതരണം ഏറെക്കുറെ പൂര്‍ത്തിയാക്കിയിട്ടുണ്ട്. പ്രവേശനോത്സവത്തോടെയാണ് പുതിയ അധ്യയനവര്‍ഷത്തെ സ്കൂളുകള്‍ വരവേല്‍ക്കുന്നത്. സംസ്ഥാനതല ഉദ്ഘാടനം തിരുവനന്തപുരം ഉൗരൂട്ടമ്ബലം ഗവ. യു.പി സ്കൂളില്‍ മുഖ്യമന്ത്രി പിണറായി വിജയന്‍ നിര്‍വഹിക്കും. വിദ്യാഭ്യാസമന്ത്രി സി. രവീന്ദ്രനാഥ് ഉൗരൂട്ടമ്ബലം ഗവ. എല്‍.പി സ്കൂളിലെ ഒന്നാംതരത്തില്‍ കഥപറഞ്ഞ് കുട്ടികളെ വരവേല്‍ക്കും. പഠനാവശ്യത്തിനായി കേരളത്തില്‍ നടന്ന ആദ്യ കലാപമായ കണ്ടല ലഹള ശതാബ്ദി സ്മാരകം മുഖ്യമന്ത്രി നാടിന് സമര്‍പ്പിക്കും. ജില്ലതലം മുതല്‍ സ്കൂള്‍തലം വരെയും പ്രവേശനോത്സവങ്ങള്‍ സംഘടിപ്പിച്ചിട്ടുണ്ട്.
പൊതുവിദ്യാലയങ്ങളെ ശക്തിപ്പെടുത്താന്‍ സര്‍ക്കാര്‍ ജനകീയ പങ്കാളിത്തത്തോടെ നടപ്പാക്കുന്ന പൊതുവിദ്യാഭ്യാസ സംരക്ഷണയജ്ഞം പരിപാടികള്‍ക്ക് മികച്ച പ്രതികരണമുണ്ടായതോടെ ഇത്തവണ സര്‍ക്കാര്‍, എയ്ഡഡ് വിദ്യാലയങ്ങളില്‍ എത്തുന്ന കുട്ടികളുടെ എണ്ണത്തില്‍ വര്‍ധനവുണ്ടാകുമെന്നാണ് കരുതുന്നത്. 200 പ്രവൃത്തിദിനങ്ങള്‍ ഉറപ്പാക്കാന്‍ നിര്‍ദേശങ്ങള്‍ പുറപ്പെടുവിച്ചിട്ടുണ്ട്.
