റായ്പുര്‍: ഛത്തീസ്ഗഡില്‍ പുതിയ ജില്ലകളും താലൂക്കുകളും പ്രഖ്യാപിച്ച്‌ മുഖ്യമന്ത്രി ഭൂപേഷ് ബാഗല്‍. 75ാം സ്വാതന്ത്ര്യദിനത്തില്‍ നാലു പുതിയ ജില്ലകളും 18 താലൂക്കുകളുമാണ് മുഖ്യമന്ത്രി പ്രഖ്യാപിച്ചത്. മൊഹ്ല മന്‍പുര്‍, മനേന്ദ്രഗഡ് , സാരന്‍ഗഡ് -ബിലായ്ഗഡ്, ശക്തി, എന്നിവയാണ് പുതിയ ജില്ലകള്‍. ഇതോടെ ഛത്തീസ്ഗഡിലെ ജില്ലകളുടെ എണ്ണം 32 ആയി വര്‍ധിച്ചു .
75ാം സ്വാതന്ത്ര്യദിനത്തില്‍ റായ്പുരിലെ പൊലീസ് പരേഡ് ഗ്രൗണ്ടില്‍ ദേശീയ പതാക ഉയര്‍ത്തിയ ശേഷം സംസാരിക്കുകയായിരുന്നു അദ്ദേഹം.
സ്വാതന്ത്ര്യദിനത്തിലെ ആഘോഷം നിരവധി പോരാളികളെയും രക്തസാക്ഷികളെയും അവരുടെ ധീരതയെയും ഓര്‍മിപ്പിക്കുന്നുവെന്നും അവരുടെ പോരാട്ടം മൂലമാണ് ഇന്ന് നാം സ്വതന്ത്രമായി ശ്വസിക്കുന്നതെന്നും മുഖ്യമന്ത്രി കൂട്ടിച്ചേര്‍ത്തു .
