ഗ്ലാമര് വേഷങ്ങളില് നിന്ന് വഴിമാറി സഞ്ചരിക്കാനുറച്ച് ബോളിവുഡ് താര റാണി സണ്ണി ലിയോണ്.
മികച്ച ചിത്രങ്ങളില് നല്ല വേഷങ്ങള് ചെയ്യാന് ആഗ്രഹിക്കുന്നതായി സണ്ണി നേരത്തെ പറഞ്ഞിരുന്നു. അത്തരമൊരു മാറ്റം തന്റെ ജീവിതത്തില് എത്തിചേര്ന്നതായി താരം കഴിഞ്ഞ ദിവസം വെളിപ്പെടുത്തി.
സൂപ്പര് ഹിറ്റ് സംവിധായകന് അനുരാഗ് കശ്യപിന്റെ പേരിടാത്ത പുതിയ ചിത്രത്തില് അഭിനയപ്രാധാന്യമുള്ള വേഷം ലഭിച്ച സന്തോഷം സണ്ണി ഇന്സ്റ്റഗ്രാമിലൂടെ ആരാധകരുമായി പങ്കുവെച്ചു.
തങ്ങളുടെ ചിത്രത്തില് മനോഹരമായ പ്രകടനം കാഴ്ചവച്ച സണ്ണിയ്ക്ക് നന്ദി അറിയിക്കുന്നതായി അനുരാഗ് കശ്യപ് ഇന്സ്റ്റഗ്രാമില് കുറിച്ചു.
സിനിമാ ജീവിതത്തിലെ പുതിയൊരു അധ്യായത്തിന് തുടക്കമിട്ടിരിക്കുകയാണെന്ന് അറിയിച്ചതോടെ താരത്തിനുള്ളിലെ “അഭിനേതാവി’നെ കാണാന് പ്രതീക്ഷയോടെ കാത്തിരിക്കുകയാണ് ആരാധകര്.
പഞ്ചാബില് കുടുംബ വേരുകളുള്ള കനേഡിയന് താരമായ സണ്ണി ലിയോണ് 2012-ല് ”ജിസം 2′ എന്ന ചിത്രത്തിലൂടെയാണ് ബോളിവുഡില് അരങ്ങേറ്റം കുറിക്കുന്നത്. ഇന്ത്യന് സിനിമയിലെ പ്രധാന ഭാഷകളിലെല്ലാം സാന്നിധ്യമറിയിച്ച സണ്ണി, മമ്മൂട്ടിയോടൊപ്പം “മധുര രാജ’ എന്ന മലയാള ചിത്രത്തിലും അഭിനയിച്ചിട്ടുണ്ട്.