തിരുവനന്തപുരം: ലോക്സഭാ തെരഞ്ഞെടുപ്പില് സിപിഎം സ്ഥാനാര്ഥിനിര്ണയം സംബന്ധിച്ച് സംസ്ഥാന സെക്രട്ടേറിയറ്റില് തീരുമാനമായി. കണ്ണൂരില് നിന്നു പി കെ ശ്രീമതി സിപിഎം സ്ഥാനാര്ഥിയാകും. കൊല്ലത്ത് എംഎ ബേബി തന്നെ മത്സരിക്കും.സിപിഎമ്മിന്റെ നാല് സിറ്റിംഗ് എംപിമാര്ക്കും സീറ്റ് ലഭിച്ചു. വടകര, കോഴിക്കോട് മണ്ഡലങ്ങളിലെ സ്ഥാനാര്ഥിനിര്ണയം വൈകുന്നേരമുണ്ടാകും. അതേസമയം, പത്തനംതിട്ട, കോട്ടയം, ഇടുക്കി, എറണാകുളം, ചാലക്കുടി സീറ്റുകള് സംബന്ധിച്ച് ഇന്നു തീരുമാനമെടുത്തില്ല.
പാലക്കാട്ട് എം ബി രാജേഷും ആലത്തൂരില് പികെ ബിജുവും ആറ്റിങ്ങലില് എ. സമ്പത്തും മത്സരിക്കും. ആലപ്പുഴയില് സിപിഎം ജില്ലാ സെക്രട്ടറി സി.ബി ചന്ദ്രബാബു മത്സരിക്കും. കാസര്ഗോട്ട് പി. കരുണാകരന് വീണ്ടും ജനവിധി തേടും.
