തിരുവനന്തപുരം: കെ.എം.മാണിയെ ബി.ജെ.പിയിലേയ്ക്ക് ക്ഷണിച്ച് പാര്ട്ടി പത്രമായ ജന്മഭൂമിയില് ലേഖനം. മാണിയോടൊപ്പവും അതിനുശേഷവും സംസ്ഥാന പാര്ട്ടി രൂപീകരിച്ച പല നേതാക്കളും മുഖ്യമന്ത്രിയായെന്നും ഇടതു വലതു മുന്നണികള് മാണിയെ തട്ടക്കളിക്കാന് തുടങ്ങിയിട്ട് കുറേ കാലമായെന്നും ജന്മഭൂമിയുടെ
എഡിറ്റോറിയല് പേജില് പ്രസിദ്ധീകരിച്ച് ‘പാലേലെ ‘മാണി’ക്യം ‘ എന്ന് ലേഖനത്തില് പറയുന്നു.
ഇടത്തോട്ടും വലത്തോട്ടും കണ്ണെറിയുന്നവരെ കാര്യമായി എടുക്കരുതെന്നും ഇടത്വലത് പക്ഷത്തുനിന്ന് മാറി ചിന്തിച്ചാല് ഇന്നത്തെ സാഹചര്യത്തില് കെ.എം മാണി എന്ന കേരള രാഷ്ട്രീയത്തിലെ ഭീഷ്മാചാര്യനെ ദേശീയ രാഷ്ട്രീയം ഇരുകയ്യും നീട്ടി സ്വീകരിച്ചേക്കുമെന്നും ലേഖനത്തില് പറയുന്നു.
അതെ സമയം ജന്മഭൂമി പാര്ട്ടി മുഖപത്രമല്ലെന്നും പത്രത്തില് വന്ന നിലപാട് ബി.ജെ.പി.യുടേതല്ലെന്നും ബി.ജെ.പി. സംസ്ഥാന പ്രസിഡന്റ് വി.മുരളീധരന് പ്രതികരിച്ചു. മാണിയെ ബി.ജെ.പിയില് കൊണ്ടുവരിക എന്നത് ലേഖനമെുതിയ ആളുടെ സ്വപ്നമാണെന്നാണ് ബി.ജെ.പിയുടെ ഔദ്യോഗിക വിശദീകരണം.