ന്യൂഡല്ഹി: കേരളമുള്പ്പെടെ 14 സംസ്ഥാനങ്ങളിലെയും രണ്ടു കേന്ദ്രഭരണ പ്രദേശങ്ങളിലെയും 116 ലോക്സഭാ മണ്ഡലങ്ങളില് തെരഞ്ഞെടുപ്പ് നടക്കും.
കോണ്ഗ്രസ് അധ്യക്ഷന് രാഹുല് ഗാന്ധി, ബിജെപി അധ്യക്ഷന് അമിത് ഷാ, മുതിര്ന്ന കോണ്ഗ്രസ് നേതാവ് മല്ലികാര്ജുന് ഖാര്ഗെ തുടങ്ങിയവര് ഇന്നു ജനവിധി തേടുന്നവരില് ഉള്പ്പെടുന്നു. ഏപ്രില് 18നു നടക്കേണ്ടിയിരുന്ന ത്രിപുര ഈസ്റ്റ് മണ്ഡലത്തിലെ തെരഞ്ഞെടുപ്പ് ഇന്നാണു നടക്കുക.
ആദ്യ രണ്ടു ഘട്ടങ്ങളിലായി 187 ലോക്സഭാ സീറ്റുകളിലെ തെരഞ്ഞെടുപ്പ് നടന്നിരുന്നു. മൂന്നാം ഘട്ടം പൂര്ത്തിയാകുന്നതോടെ 303 ലോക്സഭാ മണ്ഡലങ്ങളിലെ തെരഞ്ഞെടുപ്പ് പൂര്ത്തിയാകും. ഈ ഘട്ടത്തോടെ തെക്കന് സംസ്ഥാനങ്ങളിലെ തെരഞ്ഞെടുപ്പ് പൂര്ത്തിയാകും.
ഇന്നു തെരഞ്ഞെടുപ്പ് നടക്കുന്ന മണ്ഡലങ്ങളില് 66 എണ്ണം 2014ല് ബിജെപിയും സഖ്യകക്ഷികളും വിജയിച്ചിരുന്നു. 27 സീറ്റുകളിലാണു കോണ്ഗ്രസും സഖ്യകക്ഷികളും വിജയിച്ചത്.