തിരുവനന്തപുരം: കേരളത്തില് വോട്ടിംഗ് യന്ത്രങ്ങള്ക്ക് വ്യാപക തകരാര്. മെഷിന് തകരാറ് കണ്ടെത്തിയതിനെത്തുടര്ന്ന് തെരഞ്ഞെടുപ്പ് വൈകി. കാസര്ഗോഡ് 20 ബൂത്തുകളിലും ഇടുക്കിയില് മൂന്നിടത്തും വടകരയില് രണ്ടിടത്തും വോട്ടിംഗ് യന്ത്രത്തിന് തകരാര് സംഭവിച്ചു.
കണ്ണൂര് കാഞ്ഞിരക്കൊല്ലിയിലെ 149-ാം ബൂത്തിലെ വോട്ടിംഗ് യന്ത്രം തകരാറിലായി. യന്ത്രത്തിന്റെ ബട്ടണ് അമര്ത്താനാവുന്നില്ല. പകരം വോട്ടിംഗ് യന്ത്രം എത്തിക്കാനുള്ള ശ്രമം നടക്കുകയാണ്. എറണാകുളം എളമക്കര ഗവ ഹൈസ്കൂളിലേയും കോതമംഗലം ദേവസ്വം ബോര്ഡ് ഹൈസ്കൂളിലേയും പോളിംഗ് ബൂത്തുകളില് വോട്ടിംഗ് യന്ത്രത്തിന് തകരാര് റിപ്പോര്ട്ട് ചെയ്യപ്പെട്ടിട്ടുണ്ട്. പത്തനംതിട്ട ആനപ്പാറ എല്പി സ്കൂളിലേയും കൊല്ലം പരവൂരിലെ 81-ാം ബൂത്തിലെയും വോട്ടിംഗ് യന്ത്രങ്ങള് തകരാറിലാണ്. കൊല്ലം കുണ്ടറയിലെ 86-ാം ബൂത്തിലും തൃശൂര് അരിമ്ബൂരിലും തകരാര് കണ്ടെത്തി. കോഴിക്കോട് തിരുത്തിയാട് 152-ാം നമ്ബറിലെ വിവിപാറ്റ് മെഷീന് തകരാര് സംഭവിച്ചു ഇതുമൂലം ഇവിടെ മോക് പോളിംഗ് വൈകി.