സ്പാനിഷ് ലാ ലിഗ മത്സരങ്ങള്‍ പുനരാരംഭിച്ചു.ഇന്ന് പുലര്‍ച്ചെ ഇന്ത്യന്‍ സമയം ഒന്നരയോടെ സെവിയ്യയും ഗെറ്റാഫെയും തമ്മിലുള്ള മത്സരത്തോടെയാണ് സ്പാനിഷ് ലാലിഗയ്ക്ക് രണ്ടാം കിക്കോഫായത്.ഫുട്ബാള്‍ മൈതാനങ്ങളില്‍ കാണികളെ ഒഴിവാക്കിയാണ് കളി പുനരാരംഭിച്ചിരിക്കുന്നത്. കര്‍ശന സുരക്ഷയിലും കൊവിഡ് പ്രതിരോധ പ്രോട്ടോക്കോള്‍ പാലിച്ചുമാണ് സ്പെയിനിലും കളി പുനരാരംഭിച്ചത്.
കോവിഡ്-19 രോഗ വ്യാപനത്തിനുശേഷം യൂറോപ്പില്‍ ആരംഭിക്കുന്ന രണ്ടാമത്തെ പ്രമുഖ ഫുട്ബോള്‍ ലീഗാണിത്. 27 കളിയില്‍നിന്ന് 47 പോയന്റുമായി ലീഗില്‍ മൂന്നാം സ്ഥാനത്താണ് സെവിയ്യ. 33 പോയന്റുള്ള റയല്‍ ബെറ്റിസ് 12-ാം സ്ഥാനത്തും.
കളി ലാ ലിഗയുടെ ഔദ്യാഗിക ഫേസ്ബുക്ക് പേജ് വഴി കാണാം. ജൂണ്‍ 13-നാണ് സ്പാനിഷ് വമ്ബന്മാരായ ബാഴ്‌സലോണ കളത്തിലിറങ്ങുന്നത്. മയ്യോര്‍ക്കയാണ് ബാഴ്‌സയുടെ എതിരാളികള്‍. റയല്‍ മാഡ്രിഡ് ഞായറാഴ്ച രാത്രി ഇന്ത്യന്‍ സമയം 11 മണിക്ക് കളത്തിലിറങ്ങും. എയ്ബറുമായാണ് റയലിന്റെ മത്സരം. ഞായറാഴ്ച വൈകിട്ട് അഞ്ചരയ്ക്ക് അത്‌ലറ്റിക് ക്ളബും അത്‌ലറ്റിക്കോ മാഡ്രിഡും തമ്മിലുള്ള മത്സരം നടക്കും.
