ഉപരാഷ്ട്രപതി വെങ്കയ്യ നായിഡു ഒഴിഞ്ഞ രാജ്യസഭ സീറ്റിൽ കേന്ദ്ര ടൂറിസം മന്ത്രി അൽഫോൻസ് കണ്ണന്താനം മത്സരിക്കും. രാജസ്ഥാനിൽ നിന്നാണ് മത്സരിക്കുക. ബിജെപി ദേശീയ അധ്യക്ഷന് അമിത് ഷാ ആണ് ഇക്കാര്യം പ്രസ്താവനയില് അറിയിച്ചത്. വെങ്കയ്യ നായിഡു രാജ്യസഭാംഗമായി തെരഞ്ഞെടുക്കപ്പെട്ട് ഒരു വർഷത്തിനുള്ളിൽ ഒഴിഞ്ഞതിനാൽ അൽഫോൻസ് കണ്ണന്താനം വിജയിച്ചു കഴിഞ്ഞാൽ അഞ്ചു വർഷം കാലാവധി ലഭിക്കും.
രാജ്യസഭാ ഉപതെരഞ്ഞെടുപ്പ് തിങ്കളാഴ്ച പ്രഖ്യാപിക്കും. നവംബർ 16നു നടക്കുന്ന തെരഞ്ഞെടുപ്പിലേക്കു ആറ് വരെ നാമനിർദേശ പത്രിക സമർപ്പിക്കാം. രാജസ്ഥാൻ നിയമസഭയിൽ ബിജെപിക്ക് വൻ ഭൂരിപക്ഷമുള്ളതിനാൽ അൽഫോൻസ് കണ്ണന്താനത്തിനു വിജയം അനായാസമാണെന്നും വിലയിരുത്തപ്പെടുന്നു.