ന്യൂഡല്‍ഹി: കുല്‍ഭൂഷന്‍ ജാദവ് കേസില്‍ പാകിസ്താനെതിരെ വീണ്ടും അന്താരാഷ്ട്ര നീതിന്യായ കോടതി. പാകിസ്താന്‍ വിയന്ന ഉടമ്ബടി ലംഘിച്ചുവെന്ന് അന്താരാഷ്ട്ര നീതി ന്യായ കോടതി അധ്യക്ഷന്‍ അബ്ദുള്‍ലഖ്വി യൂസഫ് പറഞ്ഞു. ഐക്യരാഷ്ട്ര സഭയുടെ ജനറല്‍ അസംബ്ലിയിലാണ് ഐ.സി.ജെ അധ്യക്ഷന്‍ ഇക്കാര്യം അറിയിച്ചത്.
വിയന്ന കരാറിലെ ആര്‍ട്ടിക്കള്‍ 36 പാകിസ്താന്‍ ലംഘിച്ചുവെന്നാണ് ഐ.സി.ജെയുടെ വിലയിരുത്തല്‍. കുല്‍ഭൂഷന്‍ ജാദവിന് വധശിക്ഷ വിധിച്ച നടപടി പാകിസ്താന്‍ പുനഃപരിശോധിക്കണമെന്ന് അന്താരാഷ്ട്ര നീതിന്യായ കോടതി ആവശ്യപ്പെട്ടു.
ചാരനെന്ന് ആരോപിച്ചാണ് ഇന്ത്യന്‍ പൗരനും മുന്‍ നാവികസേനാ ഉദ്യോഗസ്ഥനുമായ കുല്‍ഭൂഷണ്‍ ജാദവിനെ (49) പാകിസ്താന്‍ തടവിലാക്കുന്നത് തുടര്‍ന്ന് അദ്ദേഹത്തിന് വധശിക്ഷ വിധിക്കുകയും ചെയ്തിരുന്നു.
