രാജ്യത്ത് 2.86 ലക്ഷം പേർക്ക് കൂടി കോവിഡ് 19 സ്ഥിരീകരിച്ചുവെന്ന് കേന്ദ്ര ആരോഗ്യമന്ത്രാലയം അറിയിച്ചു. വ്യാപനം രൂക്ഷമായ ശേഷം തുടർച്ചയായ മൂന്നാം ദിവസമാണ് രോഗികളുടെ എണ്ണം മൂന്ന് ലക്ഷത്തിന് താഴെയാകുന്നത്.
എന്നാൽ ടെസ്റ്റ് പോസിറ്റിവിറ്റി നിരക്കിൽ വൻ കുതിപ്പാണ് ഉണ്ടായത്. 19.5 ശതമാനമാണ് കഴിഞ്ഞ 24 മണിക്കൂറിനിടയിലെ പോസിറ്റിവിറ്റി നിരക്ക്. കഴിഞ്ഞ് ദിവസം റിപ്പോർട്ട് ചെയ്ത 16.10 ശതമാനത്തിൽ നിന്നാണ് ഇന്ന് വർധനവുണ്ടായത്.
ഇന്ത്യയിൽ ആകെ 163.84 കോടി വാക്സിൻ ഇതുവരെ വിതരണം ചെയ്തുവെന്നാണ് ആരോഗ്യമന്ത്രാലയത്തിന്റെ കണക്കുകൾ വ്യക്തമാക്കുന്നത്