യൂ ട്യൂബ് ഗോ പുറത്തിറക്കി. ഇന്ത്യന്‍ മാര്‍ക്കറ്റിനെ ലക്ഷ്യം വച്ചാണ് ലോകത്തിലെ ഏറ്റവും വലിയ വീഡിയോ പ്ലാറ്റ് ഫോം പുതിയ ആപ്പ് ഇറക്കിയിരിക്കുന്നത്. പുതിയ ആപ്പിന്‍റെ ബീറ്റ വേര്‍ഷന്‍ ഇന്ത്യയിലെ ഗൂഗിള്‍ പ്ലേ സ്റ്റോറില്‍ ലഭ്യമായി തുടങ്ങി. നിലവിലെ സ്മാര്‍ട്ട്ഫോണുകളിലെ യൂ ട്യൂബ് ആപ്പില്‍ വലിയ വ്യത്യാസങ്ങളോടെയാണ് യൂട്യൂബ് ഗോ എത്തുന്നത്.
യൂ ട്യൂബ് ആപ്പിലെ ഓഫ് ലൈനിലും വീഡിയോ കാണാനുള്ള ഓപഷന് പ്രധാന്യം നല്‍കിയാണ് യൂ ട്യൂബ് ഗോ അവതരിപ്പിച്ചിരിക്കുന്നത്. വേഗത കുറഞ്ഞ ഇന്‍റര്‍നെറ്റ് ഉപയോഗിക്കുന്നവര്‍ക്കാണ് യൂ ട്യൂബ് ഗോയുടെ പ്രയോജനം ലഭിക്കുക.
ആപ്പിന്‍റെ ഹോം സ്ക്രീനില്‍ സേവ് ചെയ്ത വീഡിയോ കാണാനുള്ള ടാബ് കൂടി ഉള്‍പ്പെടുത്തിയിട്ടുണ്ട്.
വീഡിയോ സേവ് ചെയ്യുന്നതിനു മുന്‍പ് പ്രിവ്യു കാണാനും സേവ് ചെയ്ത വീഡിയോ ഫോണിലെ ഹോട്ട്സ്പോട്ട് ഉപയോഗിച്ച്‌ മറ്റൊരു ഫോണിലേക്ക് അയയ്ക്കാനുള്ള ഫീച്ചറും യൂ ട്യൂബ് ഗോയുടെ പ്രത്യേകതയാണ്. നേരത്തത്തെ ആപ്പിലുള്ള ഏതു ക്വാളിറ്റിയിലുള്ള വീഡിയോയാണ് സേവ് ചെയ്യേണ്ടതെന്ന ഓപ്ഷന്‍ പുതിയ ആപിലും ഉള്‍ക്കൊള്ളിച്ചിട്ടുണ്ട്.
യൂ ട്യൂബ് ആപില്‍ സേവ് ചെയ്യാന്‍ സാധിക്കാത്ത വീഡിയോകള്‍ ലഭ്യമാണെങ്കിലും യൂ ട്യൂബ് ഗോയില്‍ സേവ് ചെയ്യാന്‍ സാധിക്കുന്ന വീഡിയോകള്‍ മാത്രമേ ലഭിക്കു. പുതിയ ആപ് മല‍യാളം ഉള്‍പ്പെടെ 10 ഭാഷകളില്‍ ലഭ്യമാണ്.
റിലയന്‍സ് ജിയോ സൗജന്യ ഇന്‍ര്‍നെറ്റ് പാക്കേജുമായി വന്നതുമുതല്‍ ഇന്ത്യയിലെ വീഡിയോ കാണുന്നവരുടെ എണ്ണം കുതിച്ചുയര്‍ന്നെന്നാണ് കണക്ക്, ഇതും ലക്ഷ്യമിട്ടാണ് പുതിയ ആപ്പ് എത്തുന്നത്.
