തിരുവനന്തപുരം : യുഡിഎഫ് നേതൃയോഗം ഇന്ന് ചേരും. വൈകീട്ട് മൂന്നിന് പ്രതിപക്ഷ നേതാവിന്റെ ഔദ്യോഗിക വസതിയായ കന്റോണ്മെന്റ് ഹൈസിലാണ് യോഗം. സര്ക്കാര് പ്രഖ്യാപിച്ച മദ്യനയമാണ് യു.ഡി.എഫ് യോഗത്തിലെ പ്രധാന ചര്ച്ചാവിഷയം.
മദ്യനയവുമായി ബന്ധപ്പെട്ട് സര്ക്കാറിനെതിരെയുള്ള പ്രചാരണ പരിപാടികള്ക്ക് യോഗം രൂപംനല്കും. ബാറുകള്ക്ക് വീണ്ടും ലൈസന്സ് നല്കാനുള്ള തീരുമാനത്തിനെതിരെ പ്രചാരണ പരിപാടികള്ക്കും സമരപരമ്പരക്കും യോഗം രൂപംനല്കും.
വിഷയത്തിൽ മുസ്ലിം, ക്രൈസ്തവ വിഭാഗങ്ങളുടെ പിന്തുണയോടെ സര്ക്കാരിനെതിരെ സമരം ശക്തമാക്കാമെന്നാണ് യുഡിഎഫ് പ്രതീക്ഷിക്കുന്നത്. പാതയോര ബാർ വിഷയവും, മദ്യശാലകള് ആരംഭിക്കുന്നതിന് പഞ്ചായത്തുകളുടെ അനുമതി വേണമെന്ന വ്യവസ്ഥ റദ്ദാക്കിയ സർക്കാർ നടപടിയും യോഗം ചര്ച്ചചെയ്യും. പുതിയ മദ്യനയം ബാറുടമകളില് നിന്ന് കോഴ വാങ്ങിയതിന്റെ പ്രത്യാപകാരമാണെന്ന ആരോപണവും യുഡിഎഫ് പ്രചാരണത്തില് ശക്തമാക്കും.
FLASHNEWS