ധർമ്മദ തീരത്തെ ജനങ്ങൾക്ക് നീതി നിഷേധിക്കുന്ന സർക്കാർ സമീപനത്തിനെതിരെ മേധാപട്കർ വീണ്ടും നിരാഹാര സമരത്തിലേക്ക്. ജൂലൈ 27 വ്യാഴാഴ്ച ബഡ്വാനിയിലെ രാജ്ഘട്ടിൽ മേധ സത്യാഗ്രഹം ആരംഭിക്കും. ധർമ്മദാ തീരത്ത് ഗ്രാമങ്ങളിലുള്ള ജനങ്ങൾ നടത്തി വന്ന സത്യാഗ്രഹം അവസാനിപ്പിച്ച് അവരും മേധക്കൊപ്പം ചേരും.
ജൂലൈ 31ന് മുമ്പ് സർക്കാർ തയ്യാറാക്കിക്കൊണ്ടിരിക്കുന്ന പുനരധിവാസ കേന്ദ്രങ്ങളിലേക്ക് വീടും കൃഷിയിടവും ഉപേക്ഷിച്ച് മാറണം എന്നാണ് ഗ്രാമവാസികൾക്ക് സർക്കാർ നൽകിയിരിക്കുന്ന നിർദ്ദേശം. ജൂലൈ 31ന് ശേഷം ഒഴിഞ്ഞു പോകാത്തവരെ ബലം പ്രയോഗിച്ച് ഒഴിപ്പിക്കാൻ കോടതി ഉത്തരവുണ്ട്.
പുനരധിവാസ കേന്ദ്രങ്ങൾ നിർമാണം പൂർണമായി എന്ന് കോടതിയെ തെറ്റിദ്ധരിപ്പിക്കുകയാണ് സർക്കാർ ചെയ്തതെന്നാണ് ആരോപണം. തകര ഷീറ്റുകൾ മേഞ്ഞ രണ്ട് മുറികളുടെ നിർമാണം മാത്രമാണ് സർക്കാർ പൂർത്തികരിച്ചിരിക്കതെന്നാണ് ആരോപണം. കോർപറേറ്റുകൾക്ക് വേണ്ടി കർഷകരെയും ആദിവാസികളെയും കുടിയൊഴിപ്പിക്കാനുള്ള സർക്കാർ നീക്കത്തിനെതിരെയാണ് മേധയുടെ നിരാഹാരം
