പാലക്കാട്: തേങ്കുറുശ്ശിയില് യുവാവ് വെേട്ടറ്റു മരിച്ചു. തേങ്കുറുശ്ശി മാനാംകുളമ്ബ് സ്കൂളിന് സമീപമാണ് സംഭവം. ഇലമന്ദം ആറുമുഖന്റെ മകന് അനീഷ് (അപ്പു -27) ആണ് മരിച്ചത്. ദുരഭിമാന കൊലപാതകമാണെന്ന് പൊലീസ് സംശയിക്കുന്നു. അനീഷിന്റെ ഭാര്യയുടെ അമ്മാവന് സുരേഷും ഭാര്യാപിതാവ് പ്രഭുകുമാറും ചേര്ന്ന് വെട്ടിക്കൊലപ്പെടുത്തിയതാണെന്നാണ് കരുതുന്നത്.
ജോലിക്ക് പോയി തിരിച്ചു വരുന്ന വഴി വൈകീട്ട് ഏഴുമണിയോടെയാണ് അനീഷ് ആക്രമിക്കപ്പെട്ടതെന്നാണ് വിവരം. മൂന്ന് മാസം മുമ്ബാണ് സ്കൂള് കാലം തൊട്ട് പ്രണയിച്ച പെണ്കുട്ടിയെ അനീഷ് രജിസ്റ്റര് വിവാഹം ചെയ്തത്. കൊലപാതകം ആസൂത്രിതമാണെന്നും വിവാഹത്തിന് താല്പര്യമില്ലാതിരുന്ന പെണ്കുട്ടിയുടെ ബന്ധുക്കള് മുമ്ബ് ഭീഷണിപ്പെടുത്തിയതായും അനീഷിന്റെ സഹോദരന് മാധ്യമങ്ങളോട് പറഞ്ഞു.