ചെന്നൈ: തമിഴ്നാട്ടില് പെരിയാര് പ്രതിമയ്ക്ക് നേരെ വീണ്ടും ആക്രമണം. പുതുക്കോട്ടയിലാണ് പെരിയാര് (ഇ.വി.രാമസ്വാമി) പ്രതിമ അജ്ഞാത സംഘം തകര്ത്തത്. കഴിഞ്ഞ ഒരുമാസമായി രാജ്യത്തിന്റെ വിവിധയിടങ്ങളില് പല പ്രമുഖരുടെയും പ്രതിമകള്ക്കുനേരെ ആക്രമണം ഉണ്ടായിരുന്നു. സംഭവത്തില് കേസ് രജിസ്റ്റര് ചെയ്ത് അന്വഷണം ആരംഭിച്ചതായാണ് റിപ്പോര്ട്ടുകള്.
നേരത്തേ, ബിജെപി ദേശീയ സെക്രട്ടറി എച്ച്.രാജയുടെ ഫെയ്സ്ബുക് പോസ്റ്റിനു പിന്നാലെ തമിഴ്നാട്ടിലെ വെല്ലൂരില് പെരിയാര് പ്രതിമയ്ക്കു നേരെ ആക്രമണം ഉണ്ടായിരുന്നു. തിരുപ്പത്തൂര് കോര്പറേഷന് ഓഫീസിലെ പെരിയാര് പ്രതിമയാണ് അന്നു നശിപ്പിച്ചത്. ത്രിപുരയില് ലെനിന്റെ പ്രതിമ തകര്ത്തതുപോലെ തമിഴ്നാട്ടില് പെരിയാര് പ്രതിമകളും തകര്ക്കുമെന്നും എച്ച്.രാജ ഭീഷണിപ്പെടുത്തിയിരുന്നു.
