നോട്ട് നിരോധന കാലയളവില് ബാങ്കുകള്ക്കും എ.ടി.എമ്മുകള്ക്കും മുമ്ബില് ക്യൂ നിന്ന് മരിച്ചവരുടെ കുടുംബങ്ങള്ക്ക് രണ്ട് ലക്ഷം രൂപ വീതം ധനസഹായം നല്കാന് സര്ക്കാറിെന്റ തീരുമാനം. റദ്ദാക്കിയ നോട്ട് മാറ്റിയെടുക്കാന് ബാങ്കിനു മുന്നിലും പുതിയ നോട്ടിനു വേണ്ടി എ.ടി.എമ്മിനു മുന്നിലും ക്യൂ നില്ക്കുന്നതിനിടെ മരിച്ച നാലുപേരുടെ കുടുംബങ്ങള്ക്ക് സഹായം ലഭിക്കും. സി ചന്ദ്രശേഖരന് (68 വയസ്സ്, കൊല്ലം), കാര്ത്തികേയന് (75, ആലപ്പുഴ), പി.പി. പരീത് (തിരൂര് മലപ്പുറം), കെ.കെ. ഉണ്ണി (48, കെ.എസ്.ഇ.ബി, കണ്ണൂര്) എന്നിവരാണ് മരിച്ചത്.
സംസ്ഥാനത്തെ ആശുപത്രികള്, ലാബുകള്, സ്കാനിംഗ് സെന്ററുകള് തുടങ്ങിയവയെ നിയന്ത്രിക്കുന്നതിന് തയ്യാറാക്കിയ കേരള ക്ലിനിക്കല് സ്ഥാപനങ്ങള് (റജിസ്ട്രേഷനും നിയന്ത്രണവും) ബില്ലിന്റെ കരടും ഇന്ന് ചേര്ന്ന മന്ത്രിസഭ അംഗീകരിച്ചു.സംസ്ഥാന മുന്നോക്ക സമുദായ ക്ഷേമ കോര്പ്പറേഷന് ചെയര്മാനായി മുന് മന്ത്രി ആര്. ബാലകൃഷ്ണ പിളളയെ നിയമിക്കാന് തീരുമാനിച്ചു. ക്യാബിനറ്റ് പദവിയോടെയാണ് നിയമനം.
ട്രാവന്കൂര് കൊച്ചിന് മെഡിക്കല് കൗണ്സില് ജീവനക്കാര്ക്ക് ശമ്പളപരിഷ്കരണം നടപ്പിലാക്കും.
കൊച്ചി മെട്രോ രണ്ടാം ഘട്ടത്തിന് ഭരണാനുമതിജവഹര്ലാല് മെഹ്റു സ്റ്റേഡിയം മുതല് കാക്കനാട് വഴി ഇന്ഫോപാര്ക്ക് വരെയുളള കൊച്ചി മെട്രോ രണ്ടാം ഘട്ടത്തിന് പുതുക്കിയ ഭരണാനുമതി നല്കാനും മന്ത്രിസഭായോഗം തീരുമാനിച്ചു. 2577 കോടി രൂപയാണ് രണ്ടാം ഘട്ടത്തിന് ചെലവ് പ്രതീക്ഷിക്കുന്നത്.
