ദുൈബ: ഇന്ത്യന്‍ സിനിമയിലെ ആദ്യ ലേഡി സൂപ്പര്‍ സ്റ്റാര്‍ ശ്രീദേവി അന്തരിച്ചു. ഹൃദയാഘാതത്തെ തുടര്‍ന്ന് ശനിയാഴ്ച രാത്രി 11.30ന് ദുബൈയിലാ ണ് മരണം. 54 വയസായിരുന്നു. ബന്ധുവായ നടന്‍ മോഹിത് മര്‍വയുടെ വിവാഹച്ചടങ്ങിനായി ദുബൈയിലെത്തിയതായിരുന്നു നടി. വിവാഹ ചടങ്ങിെനത്തിയ ശ്രീദേവി പൊടുന്നനെ ദേഹാസ്വസ്ഥ്യം അനുഭവപ്പെടുകയും കുഴഞ്ഞു വീഴുകയുമായിരുന്നുവെന്ന് കുടുംബ വൃത്തങ്ങള്‍ വ്യക്തമാക്കി. ഭര്‍ത്താവും സംവിധായകനുമായ ബോണി കപൂറും ഇളയ മകള്‍ ഖുഷിയും മരണസമയത്ത് കുടെയുണ്ടായിരുന്നു.
1963 ഓഗസ്റ്റ് 13 ന് തമിഴ്നാട്ടിലെ ശിവകാശിയിലാണ് ശ്രീദേവി ജനിച്ചത്.’തുണൈവന്‍’ എന്ന തമിഴ് ചിത്രത്തിലൂടെ നാലാം വയസില്‍ ബാലതാരമായി അഭിനയം തുടങ്ങി. തെലുഗു, മലയാളം, കന്നഡ സിനിമകളിലും ബാലതാരമായി അഭിനയിച്ചു. ‘പൂമ്ബാറ്റ’ എന്ന ചിത്രത്തിലെ അഭിനയത്തിന് മികച്ച ബാലതാരത്തിനുള്ള കേരള സംസ്ഥാന അവര്‍ഡും ലഭിച്ചു. 1975 ല്‍ ‘ജൂലി’ എന്ന ഹിന്ദി ചിത്രത്തില്‍ ബാലതാരമായാണ് ബോളിവുഡ് അരങ്ങേറ്റം. ‘മുണ്‍ട്രു മുടിച്ച്‌’ എന്ന തമിഴ് സിനിമയിലൂടെ 13ാം വയസില്‍ നായികയായി. പിന്നീട് തമിഴ്, തെലുഗു സിനിമകളില്‍ ശ്രീദേവി ആധിപത്യം നേടുന്നതാണ് കണ്ടത്.
1978ല്‍ ‘സോള്‍ സവന്‍’ എന്ന ചിത്രത്തിലൂടെ ബോളിവുഡ് നായികയായി. 1983െല ‘ഹിമ്മത്വാല’ എന്ന ചിത്രമാണ് േബാളിവുഡില്‍ ശ്രീദേവിയെ ശ്രദ്ധേയമാക്കിയത്. തുടര്‍ന്ന് ‘മവാലി’, ‘തോഹ്ഫ’, ‘മാസ്റ്റര്‍ജി’, ‘മിസ്റ്റര്‍ ഇന്ത്യ’, ‘ചാന്ദ്നി’ തുടങ്ങി നിരവധി സൂപ്പര്‍ ഹിറ്റ് സിനിമകളില്‍ അഭിനയിച്ചു. പല സിനിമകളിലെയും അഭിനയത്തിന് നിരൂപക പ്രശംസ നേടി. ആറുതവണ ഫിലിം ഫെയര്‍ അവാര്‍ഡ് നേടി. 10 തവണ അവാര്‍ഡിനായി നാമ നിര്‍ദേശം െചയ്യപ്പെട്ടു.
1990 കളില്‍ ബോളിവുഡില്‍ ഏറ്റവുമധികം പ്രതിഫലം വാങ്ങുന്ന നടിയായി ശ്രീദേവി മാറി. വിവാഹത്തിന് ശേഷം ഒരു വര്‍ഷം കഴിഞ്ഞ് 1997 മുതല്‍ 15 വര്‍ഷം സിനിമയില്‍ നിന്ന് വിട്ടു നിന്നു. പിന്നീട് 2017 ല്‍ ‘ഇംഗ്ലീഷ് വിംഗ്ലീഷ്’ എന്ന സിനിമയിലുടെ ചലച്ചിത്ര ലോകത്തേക്ക് തിരിച്ചു വന്നു. ഹിന്ദി കൂടാതെ, തമിഴ്, മലയാളം, തെലുഗു, കന്നഡ സിനിമകളിലും ശ്രീദേവി അഭിനയിച്ചു.
2013ല്‍ പദ്മശ്രീ നല്‍കി രാജ്യം ആദരിച്ചു. 2017 ല്‍ പുറത്തിറങ്ങിയ േമാം ആണ് അവസാനമായി പുറത്തിറങ്ങിയ ചിത്രം. ഈ വര്‍ഷം ഡിസംബറില്‍ റിലീസ് ചെയ്യാന്‍ ഉദ്ദേശിച്ചിരുന്ന സീറോ എന്ന ഹിന്ദി ചിത്രത്തിലാണ് അവസാനമായി അഭിനയിച്ചത്.
