കണ്ണൂര്‍: : യൂത്ത് കോണ്‍ഗ്രസ് നേതാവ് ശുഹൈബിനെ കൊലപ്പെടുത്തിയ കേസിലെ പ്രതികളായ ആകാശ് തില്ലങ്കേരിയെയും റിജിന്‍ രാജിനേയും പോലീസ് കസ്റ്റഡിയില്‍ വിട്ടു. നാല് ദിവസത്തേക്കാണ് ഇവരെ കസ്റ്റഡിയില്‍ വിട്ടിരിക്കുന്നത്.
അതേസമയം കേസുമായി ബന്ധപ്പെട്ട് അഞ്ച് പേരെ കൂടി പോലീസ് ഇന്ന് പിടികൂടിയിരുന്നു. കര്‍ണാടകയിലെ വിരാജ്പേട്ടയില്‍നിന്നാണ് ഇവരെ മട്ടന്നൂര്‍ പോലീസ് പിടികൂടിയത്. കൊലയാളി സംഘത്തില്‍പ്പെട്ടവരും ഗൂഢാലോചനയില്‍ ഉള്‍പ്പെട്ടവരും പിടിയിലായിട്ടുണ്ടെന്ന് പോലീസ് അറിയിച്ചു.
