ചെന്നൈ: കോവിഡ് ബാധിതനായ ഗായകന്‍ എസ്.പി. ബാലസുബ്രഹ്മണ്യത്തിന്‍റെ നില അതീവ ഗുരുതരാവസ്ഥയില്‍ തുടരുന്നു. ആരോഗ്യനില വഷളായെന്ന് ചെന്നൈ എംജിഎം ആശുപത്രി പുറത്തുവിട്ട മെഡിക്കല്‍ ബുള്ളറ്റിനില്‍ വ്യക്തമാക്കി. അപകടനില തരണം ചെയ്തെന്ന് എസ്പിബിയുടെ മകന്‍ അറിയിച്ചതിനു പിന്നിലെയാണ് മെഡിക്കല്‍ ബുള്ളറ്റിന്‍ വന്നത്.
ശ്വാസതടസം മാറി തുടങ്ങിയതായും ആരോഗ്യനില മെച്ചപ്പെടുന്നതായി ഡോക്ടര്‍മാര്‍ അറിയിച്ചെന്നുമാണ് മകന്‍ എസ്.പി. ചരണ്‍ നേരത്തേ അറിയിച്ചത്. കോവിഡ് ലക്ഷണങ്ങളെ തുടര്‍ന്ന് അഞ്ചിനാണ് എസ്പിബിയെ ആശുപത്രിയില്‍ പ്രവേശിപ്പിച്ചത്. അദ്ദേഹത്തിനെ മുഴുവന്‍ സമയ നിരീക്ഷണത്തിനായി പ്രത്യേക മെഡിക്കല്‍ സംഘത്തെ നിയോഗിച്ചിട്ടുണ്ട്.
