രാജ്യത്ത് എണ്ണക്കമ്പനികള്‍ ഇന്ധനവില കുത്തനെ കൂട്ടി. പെട്രോള്‍ ലിറ്ററിന് 3 രൂപ 7 പൈസയും ഡീസലിന് ഒരു രൂപ 90 പൈസയും കൂട്ടി. പുതുക്കിയ വില ഇന്ന് അര്‍ദ്ധരാത്രി മുതല്‍ നിലവില്‍ വരും. രാജ്യാന്തര തലത്തില്‍ ക്രൂഡോയില്‍ വില കുറച്ചുകാലമായി കുത്തനെ ഇടിയുകയാണ്.
ഇതോടെ, രണ്ട് തവണയായി ഡീസലിന് ഈ മാസം 3.37 രൂപയുടെ വര്‍ദ്ധനവാണ് ഉണ്ടായിരിക്കുന്നത്. ഇന്ധവ വില ഒടുവില്‍ പുതുക്കിയ മാര്‍ച്ച് 1ന് ഡീസലിന് 1.47 രൂപ വര്‍ദ്ധിപ്പിച്ചിരുന്നു. അതേസമയം, പെട്രോള്‍ വില 3.02 രൂപ കുറച്ചിരുന്നു. പെട്രോളിന് തുടര്‍ച്ചയായി ഏഴ് തവണ വില കുറച്ചതിനു ശേഷമുണ്ടായ ആദ്യ വര്‍ദ്ധനവാണിത്.
