തൃശ്ശൂര്: ചാവക്കാട് നൗഷാദ് വധക്കേസില് ഒരു പ്രതി കൂടി കീഴടങ്ങി. എസ്ഡിപിഐ പ്രവര്ത്തകനും ചെറുതുരുത്തി സ്വദേശിയുമായ അര്ഷാദ് ആണ് കീഴടങ്ങിയത്.കേസില് ഇതുവരെ ഏഴ് പേരാണ് പിടിയിലായിരിക്കുന്നത്. നൗഷാദിനെ കൊലപ്പെടുത്തിയ കേസിന്റെ അന്വേഷണം ക്രൈംബ്രാഞ്ചും പൊലീസും ഉള്പ്പെട്ട പുതിയ സംഘത്തിന് കഴിഞ്ഞ ദിവസം കൈമാറിയിരുന്നു. ക്രൈംബ്രാഞ്ച് ഐജി ശ്രീജിത്ത് അന്വേഷണത്തിന്റെ മേല്നോട്ടം. അന്വേഷണം കാര്യക്ഷമമാക്കണം എന്ന നൗഷാദിന്റെ കുടുംബത്തിന്റെ ആവശ്യം കണക്കിലെടുത്താണ് നടപടി.
കഴിഞ്ഞ ജൂലൈ 31നാണ് കോണ്ഗ്രസ് പ്രവര്ത്തകനായ നൗഷാദിനെ ചാവക്കാട്ട് വച്ച് ബൈക്കിലെത്തിയ സംഘം വെട്ടിക്കൊലപ്പെടുത്തിയത്. കേസില് ആകെ 20 പ്രതികളാണുള്ളത്. ഇതില് പുന്ന സ്വദേശി അറയ്ക്കല് ജമാല്, വടക്കേക്കാട് സ്വദേശി ഫെബീര്, ഫൈസല്, മുഹമ്മദ് മുസ്തഫ്, ഫാമിസ് അബൂബക്കര്, മുബീന് എന്നിവരെ അന്വേഷണ സംഘം അറസ്റ്റ് ചെയ്തിരുന്നു.