കൊച്ചി: സിസ്റ്റര് ലൂസി കളപ്പുരയെ സഭയില് നിന്ന് പുറത്താക്കി. ഫ്രാന്സിസ്കന് ക്ലാരിസ്റ്റ് സന്യാസി സമൂഹത്തില് നിന്നാണ് സിസ്റ്റര് ലൂസി കളപ്പുരയെ പുറത്താക്കിയത്. രേഖാമൂലമാണ് ഇക്കാര്യം അറിയിച്ചത്. മേയ് 11ന് ചേര്ന്ന ജനറല് കൗണ്സില് തിരഞ്ഞെടുപ്പിലായിരുന്നു തീരുമാനം. കാനോന് നിയമപ്രകാരം കന്യാസ്ത്രീ പാലിക്കേണ്ട ചട്ടങ്ങള് ലൂസി കളപ്പുര ലംഘിച്ചതായി കാണിച്ച് കത്തോലിക്ക സഭ നേരത്തെ നോട്ടീസ് നല്കിയിരുന്നു.
കന്യാസ്ത്രീ സമരത്തില് പങ്കെടുത്തു, വിലക്ക് മറികടന്ന് തുടര്ച്ചയായി മാദ്ധ്യമങ്ങള്ക്ക് അഭിമുഖം നല്കി, ദാരിദ്ര്യവ്രതം പാലിക്കാതെ സ്വന്തമായി കാര് വാങ്ങി, ശമ്ബളം മഠത്തിലേക്ക് നല്കിയില്ല, അനുമതിയില്ലാതെ പുസ്തകം പ്രസിദ്ധീകരിച്ച് അനാവശ്യചെലവുണ്ടാക്കി, വസ്ത്രധാരണച്ചട്ടം ലംഘിച്ചു തുടങ്ങി നിരവധി ആരോപണങ്ങളാണ് ലൂസി കളപ്പുരയ്ക്കെതിരെ സഭ ഉന്നയിച്ചിരുന്നത്.
