തിരുവനന്തപുരം: ബിജെപി മുതിര്ന്ന നേതാവും മുന് വിദേശകാര്യ മന്ത്രിയുമായ സുഷമ സ്വരാജിന് ആദരാഞ്ജലികള് അര്പ്പിച്ച് എഐസിസി ജനറല് സെക്രട്ടറി ഉമ്മന് ചാണ്ടി. മൃതദേഹം പൊതുദര്ശനത്തിനു വച്ചിരിക്കുന്ന, സുഷയമയുടെ വസതിയിലെത്തിയാണ് ഉമ്മന് ചാണ്ടി റീത്ത് സമര്പ്പിച്ചത്.
സുഷമ സ്വരാജ് മികച്ച ഭരണാധികാരിയും ജനപ്രതിനിധിയും പൊതുപ്രവര്ത്തകയായിരുന്നുവെന്ന് ഉമ്മന് ചാണ്ടി പറഞ്ഞു. സുഷമ സ്വരാജ് കേരളത്തിന് വേണ്ടി ചെയ്തിട്ടുള്ള വലിയ കാര്യങ്ങള് എക്കാലവും കേരളം സ്മരിക്കുമെന്നും അദ്ദേഹം പറഞ്ഞു. കക്ഷി രാഷ്ട്രീയതിന് അതീതമായി ജനങ്ങളെ കാണാനും പ്രശ്നങ്ങള് മനസ്സിലാക്കാനും പരിഹാരം ഉണ്ടാക്കാനും ശ്രമിച്ച പൊതുപ്രവര്ത്തകയാണ് സുഷമ സ്വരാജെന്നും ഉമ്മന് ചാണ്ടി കൂട്ടിച്ചേര്ത്തു.