ന്യൂഡല്ഹി : തുടര്ച്ചയായ പത്താം ദിവസവും ഇന്ധനവില കൂട്ടി. പെട്രോള് ലിറ്ററിന് 47 പൈസയും ഡീസല് ലിറ്ററിന് 54 പൈസയുമാണ് കൂട്ടിയത്. തിങ്കളാഴ്ച എണ്ണ കമ്ബനികള് പെട്രോള് ലിറ്ററിന് 48 പൈസയും ഡീസലിന് 23 പൈസയും കൂട്ടിയിരുന്നു. ഇതോടെ 10 ദിവസത്തിനുള്ളില് പെട്രോള് ലിറ്ററിന് 5.48 രൂപയും ഡീസലിന് 5.51രൂപയുമാണ് വര്ധിച്ചത്. കൊച്ചിയില് പെട്രോള് വില 77 കടന്നു. 71 രൂപ 29 പൈസയാണ് കൊച്ചിയിലെ ഇന്നത്തെ ഡീസല് വില.
82 ദിവസത്തെ ഇടവേളക്കു ശേഷം ജൂണ് ഏഴുമുതലാണ് വില വര്ധിപ്പിക്കാന് തുടങ്ങിയത്. രാജ്യാന്തര വിപണിയില് ക്രൂഡ് ഓയില് വിലയിലുണ്ടായ നേരിയ വര്ധനയാണ് ഇന്ധനവില കൂട്ടാന് കാരണമായി പറയുന്നത്. എന്നാല്, വില കുത്തനെ കുറഞ്ഞപ്പോള് ഇതിെന്റ ആനുകൂല്യം ഉപയോക്താക്കള്ക്ക് കൈമാറാന് കമ്ബനികള് തയാറായിരുന്നില്ല.
ഇന്ധന വില തുടര്ച്ചയായി വര്ധിക്കുന്നതിനാല് അവശ്യ സാധനങ്ങളുടെ ഉള്പ്പെടെ വില വര്ധിക്കുമെന്ന് ആശങ്കയുണ്ട്. ഈ രീതിയില് മുന്നോട്ട് പോയാല് വരുന്ന മൂന്ന് മാസത്തിനുള്ളില് 80 മുതല് 85 രൂപ വരെ പെട്രോള്, ഡീസല് നിരക്ക് എത്തുമെന്നാണ് വിദഗ്ധര് പറയുന്നത്.
