കോഴിക്കോട്: നടക്കാവ് സ്വദേശിയും മലബാര് ക്രിസ്ത്യന് കോളജ് സ്കൂളിലെ പ്ലസ് വണ് വിദ്യാര്ഥിയുമായ ടി.വി അജയിനെ (17) അസമയത്ത് വീടിനടുത്തുവച്ച് അക്രമിച്ച മെഡിക്കല് കോളജ് എസ്.ഐ എ. ഹബീബുല്ലക്കെതിരേ നടപടിയെടുക്കാത്തതില് പ്രതിഷേധിച്ച് വിദ്യാര്ഥിയുടെ മാതാവ് പി. സുലോചന നടത്തുന്ന അനിശ്ചിത കാല നിരാഹാരസമരം ഇന്ന് തുടങ്ങും.
സംഭവം നടന്ന് 17 ദിവസം പിന്നിട്ടിട്ടും എസ്.ഐയെ സംരക്ഷിക്കാന് പൊലിസ് നടത്തുന്ന നീക്കം ദുരൂഹമാണെന്നാണ് നാട്ടുകാര് ആരോപിക്കുന്നത്.കിഴക്കെ നടക്കാവ് ജങ്ഷനില് വൈകിട്ട് അഞ്ചിന് സമരം തുടങ്ങും. ആക്ഷന് കമ്മിറ്റിയുടെ ആഭിമുഖ്യത്തില് മുഖ്യമന്ത്രിക്കും പൊലിസ് അധികാരികള്ക്കും നിവേദനം നല്കുകയും ജനകീയ ധര്ണയും സൂചനാ നിരാഹര സമരവും നടത്തിയിരുന്നു. സംഭവത്തില് നടക്കാവില് രൂപീകരിച്ച സര്വകക്ഷി ആക്ഷന് കമ്മിറ്റിയുടെ ആഭിമുഖ്യത്തിലാണ് കുട്ടിയുടെ മാതാവ് സമരം നടത്തുന്നത്.
