ഭോപാല്: മധ്യപ്രദേശില് പ്രളയ പ്രദേശത്ത് ഒറ്റപ്പെട്ടുപോയ ആളുകളെ രക്ഷിക്കാന് പോയ മന്ത്രി കുടുങ്ങി. പ്രളയത്തില് കുടുങ്ങിയ മന്ത്രിയെ പിന്നീട് ഹെലികോപ്ടര് ഉപയോഗിച്ച് രക്ഷപ്പെടുത്തുകയായിരുന്നു.
സംസ്ഥാന ആഭ്യന്തര മന്ത്രിയായ നരോത്തം മിശ്രയെയാണ് ഹെലികോപ്ടറില് രക്ഷപ്പെടുത്തിയത്. ഡാട്ടിയ ജില്ലയില് പ്രളയത്തില് ഒമ്ബതുപേര് വീടിെന്റ മുകളില് കുടുങ്ങിയിരുന്നു. വീടിെന്റ മുകള്ഭാഗം ഒഴികെ ബാക്കി എല്ലാ ഭാഗവും മുങ്ങുകയായിരുന്നു. പ്രദേശത്തെ എം.എല്.എ കൂടിയാണ് മിശ്ര.
വീടിന് മുകളില് കുടുങ്ങിയവരെ കണ്ടതോടെ മന്ത്രി സഞ്ചരിച്ചിരുന്ന ബോട്ട് അവിടേക്ക് അടുപ്പിക്കാന് പറയുകയായിരുന്നു.ബോട്ടില് ദുരന്ത നിവാരണ സേനയും ദുരിതാശ്വാസ പ്രവര്ത്തകരുമുണ്ടായിരുന്നു. ശക്തമായ കാറ്റും വെള്ളക്കെട്ടും ഉണ്ടായിരുന്ന അവിടെക്കേത്തിയതോടെ ബോട്ടിന് മുകളിലേക്ക് മരം ഒടിഞ്ഞുവീണ് മോട്ടര് കേടാകുകയായിരുന്നു. തുടര്ന്ന് മന്ത്രി സര്ക്കാര് അധികൃതര്ക്ക് ഹെലികോപ്ടര് േവണമെന്ന് ആവശ്യപ്പെട്ട് സന്ദേശം അയച്ചു. ഇതോടെ കുടുങ്ങി കിടന്ന ഒമ്ബതുപേരെയും മന്ത്രിയെയും ഹെലികോപ്ടറില് രക്ഷപ്പെടുത്തി.