കുവൈത്ത് സിറ്റി: വാരിയേഴ്സ് ക്രിക്കറ്റ് ടൂര്‍ണമെന്റ് സീസണ്‍ മൂന്നില്‍ ടീം പിച്ച്‌ സ്‌മാഷേഴ്സ് ജേതാക്കളായി.
ജലീബ് എം.ഐ.കെ ഗ്രൗണ്ടില്‍ നടന്ന വാശിയേറിയ ഫൈനല്‍ മത്സരത്തില്‍ ടീം കൊക്കന്‍ ചാര്‍ജേഴ്സിനെ ആറു വിക്കറ്റിന് പരാജയപ്പെടുത്തിയാണ് ടീം പിച്ച്‌ സ്‌മാഷേഴ്സ് ജേതാക്കളായത്. പിച്ച്‌ സ്മാഷേഴ്സിന്റെ റെജീദ് ഫൈനല്‍ മാന്‍ ഓഫ് ദ മാച്ച്‌ പുരസ്കാരം ഏറ്റുവാങ്ങി.
പിച്ച്‌ സ്മാഷേഴ്സിന്റെ തന്നെ ഇമ്രാന്‍ എമി മാന്‍ ഓഫ് ദി സീരീസ് ആയി. ടൂര്‍ണമെന്റിലെ മികച്ച ബൗളറായി സാല്‍മിയ ടസ്കേഴ്സിന്റെ ജോസിയെയും ബാറ്ററായി പിച്ച്‌ സ്മാഷേഴ്സിന്റെ ഇമ്രാന്‍ എമിയെയും തിരഞ്ഞെടുത്തു. വിജയികള്‍ക്കുള്ള ട്രോഫിയും കാഷ് പ്രൈസും സ്പോണ്‍സര്‍മാരായ സ്കൈ ടെക് ജനറല്‍ ട്രേഡിങ്, അല്‍ അവതാര്‍ ട്രേഡിങ് പ്രതിനിധികളായ ചീഫ് എന്‍ജിനീയര്‍ ഷെഫീഖ്, സെയില്‍സ് എന്‍ജിനീയര്‍ മുഹമ്മദ് റാഷിദ് എന്നിവര്‍ വിതരണം ചെയ്തു. ഫൈനല്‍ മത്സരം അമ്ബയര്‍മാരായ ഗോകുല്‍, അരുണ്‍ വിക്ടര്‍ എന്നിവരും വാരിയേഴ്സിന്റെ അന്‍വേശ് സമ്മാനവിതരണവും നിയന്ത്രിച്ചു.
