ശോഭന ബിജുവിനും പൃഥ്വക്കുമൊപ്പം വീണ്ടും വരുന്നു

imagesവിനീത് ശ്രീനിവാസന്‍ സംവിധാനം ചെയ്ത തിര എന്ന സിനിമയിലൂടെ ശക്തമായ രണ്ടാംവരവ് നടത്തിയ മലയാളത്തിന്റെ പ്രിയ നടി ശോഭന സംവിധായകന്‍ ജി.മാര്‍ത്താണ്ഡന്റെ പുതിയ ചിത്രത്തില്‍ അഭിനയിക്കുന്നു. പാവാട എന്നു പേരിട്ടിരിക്കുന്ന ചിത്രത്തില്‍ യുവനടന്‍ പൃഥ്വിരാജും ബിജു മേനോനുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്.
പൃഥ്വിയും ബിജുവും മുഴുക്കുടിയന്മാരുടെ വേഷത്തിലാണ് ഈ സിനിമയില്‍ എത്തുന്നത്. ഇവരുടെ ഇടയിലേക്ക് കടന്നുവരുന്ന ഒരു സുപ്രധാന കഥാപാത്രത്തെയാണ് ശോഭന അവതരിപ്പിക്കുന്നതെന്ന് സംവിധായകന്‍ പറഞ്ഞു. അതേസമയം ശോഭന പൃഥ്വിയുടെ നായികയല്ലെന്നും അണിയറക്കാര്‍ വ്യക്തമാക്കി.
1983 എന്ന സിനിമയ്ക്ക് തിരക്കഥ ഒരുക്കിയ ബിപിന്‍ ചന്ദ്രയാണ് ഈ സിനിമയ്ക്കും രചന നിര്‍വഹിക്കുന്നത്. മണിയന്‍ പിള്ള രാജുവാണ് നിര്‍മാതാവ്.  മമ്മൂട്ടി നായകനാകുന്ന ദൈവത്തിന്റെ സ്വന്തം ക്‌ളീറ്റസ് എന്ന സിനിമയുടെ ചിത്രീകരണ തിരക്കിലാണ് മാര്‍ത്താണ്ഡനിപ്പോള്‍.

Spread the love

Leave a Reply

Your email address will not be published. Required fields are marked *