റിഷഭ് ഷെട്ടി രചനയും സംവിധാനവും നിര്വ്വഹിച്ച് കേന്ദ്ര കഥാപാത്രത്തെയും അവതരിപ്പിച്ച ‘കാന്താര’ ഇന്ന് മുതല് മലയാളത്തില് പ്രദര്ശനത്തിനെത്തും.
‘കാന്താര’ കേരളത്തിലെത്തിക്കുന്നത് പൃഥ്വിരാജ് പ്രൊഡക്ഷന്സാണ്. ഹൊംബാളെയുടെ ബാനറില് വിജയ് കിരഗണ്ഡൂര് നിര്മ്മിച്ച ചിത്രത്തില് സപ്തമി ഗൌഡ, കിഷോര്, അച്യുത് കുമാര്, പ്രമോദ് ഷെട്ടി, ഷനില് ഗുരു, പ്രകാശ് തുമിനാട്, മാനസി സുധീര്, നവീന് ഡി പടീല്, സ്വരാജ് ഷെട്ടി, ദീപക് റായ് പനാജി, പ്രദീപ് ഷെട്ടി, രക്ഷിത് രാമചന്ദ്രന് ഷെട്ടി, പുഷ്പരാജ് ബൊല്ലാറ തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
‘കെജിഎഫ്’ നിര്മ്മാതാക്കളായ ഹൊംബാളെ ഫിലിംസ് നിര്മ്മിച്ച് സെപ്റ്റംബര് 30ന് റിലീസ് ചെയ്യപ്പെട്ട ചിത്രം 11 ദിവസം കൊണ്ട് കര്ണാടകത്തില് നിന്ന് 58- 60 കോടി വരെ നേടിയതായാണ് റിപ്പോര്ട്ട്. രണ്ടാം തിങ്കളാഴ്ചയിലെ കളക്ഷന് റിലീസ് ദിനത്തേതിനേക്കാള് മുകളിലാണെന്ന് ആന്ധ്ര ബോക്സ് ഓഫീസ് റിപ്പോര്ട്ട് ചെയ്യുന്നു. 19-ാം നൂറ്റാണ്ട് പശ്ചാത്തലമാക്കുന്ന ചിത്രത്തിന്റെ കഥ നടക്കുന്നത് കുന്താപുരയിലാണ്.
നേരത്തെ, ‘കാന്താര’യെ പ്രശംസിച്ച് നടന് പ്രഭാസ് രംഗത്തെത്തിയിരുന്നു. ‘കാന്താര’ രണ്ടാം തവണയും കണ്ടു. എന്ത് അസാധാരണമായ അനുഭവമാണ്. മികച്ച കണ്സെപ്റ്റും, ത്രില്ലിംഗ് അനുഭവവും. തിയേറ്ററില് തന്നെ നിര്ബന്ധമായും കണ്ടിരിക്കേണ്ട ചിത്രം എന്നാണ് പ്രഭാസ് സാമൂഹ്യമാധ്യമത്തില് കുറിച്ചിരിക്കുന്നത്.
