കണ്ണൂര്‍: സ്വര്‍ണക്കടത്ത് കേസിലെ മുഖ്യകണ്ണി അര്‍ജുന്‍ ആയങ്കിയുടെ സുഹൃത്ത് റമീസ് ദുരൂഹസാഹചര്യത്തില്‍ വാഹനാപകടത്തില്‍ മരിച്ചു. വ്യാഴാഴ്ച രാത്രി കണ്ണൂരിലെ അഴീക്കോട്ട് വച്ചാണ് അപകടമുണ്ടായത്. റമീസ് സഞ്ചരിച്ച ബൈക്ക് കാറുമായി കൂട്ടിയിടിക്കുകയായിരുന്നു. ഇയാളെ ആശുപത്രിയില്‍ എത്തിച്ചെങ്കിലും പിന്നീട് മരിച്ചു.
സ്വര്‍ണക്കടത്ത് കേസുമായി ബന്ധപ്പെട്ട് അടുത്തിടെ റമീസിന്‍റെ വീട്ടില്‍ കസ്റ്റംസ് റെയ്ഡ് നടത്തിയിരുന്നു. അര്‍ജുന്‍ ആയങ്കിയുടെ ഉറ്റസുഹൃത്താണെന്ന് വ്യക്തമായതോടെയായിരുന്നു റെയ്ഡ്. പിന്നീട് ഇയാളോട് ചോദ്യം ചെയ്യലിന് ഹാരജാകണമെന്നും കസ്റ്റംസ് നിര്‍ദ്ദേശിച്ചിരുന്നു. ഇതിന് പിന്നാലെ അപകടമുണ്ടായതാണ് ദുരൂഹത വര്‍ധിപ്പിക്കുന്നത്.
