ഇംഗ്ലണ്ട് ആഷസ് 2021-22 വിജയിക്കില്ലെന്ന് പറഞ്ഞ് ഓസ്ട്രേലിയന്‍ മുന്‍ ക്യാപ്റ്റന്‍ മൈക്കല്‍ ക്ലാര്‍ക്ക്. പരിക്ക് കാരണം ഈ വര്‍ഷം അവസാനം വരെ ജോഫ്ര ആര്‍ച്ചര്‍ ക്രിക്കറ്റില്‍ നിന്ന് പുറത്ത് നില്‍ക്കുകയാണെന്ന് ഇംഗ്ലണ്ട് ബോര്‍ഡ് അറിയിച്ചിരുന്നു.
ടി20 ലോകകപ്പിലും ആഷസിലും താരം കളിക്കില്ലെന്ന് ഉറപ്പായതോടെ ഇംഗ്ലണ്ടിന് കനത്ത തിരിച്ചടിയാണ് നേരിടുവാന്‍ പോകുന്നതെന്നും ഒരു കാരണവശാലും ആഷസ് പരമ്ബര ടീം വിജയിക്കില്ലെന്നും മൈക്കല്‍ ക്ലാര്‍ക്ക് വ്യക്തമാക്കി.
2013-14ല്‍ ഓസ്ട്രേലിയയില്‍ ആഷസിനായി എത്തിയ ഇംഗ്ലണ്ട് 5-0ന് ആണ് പരാജയം ഏറ്റുവാങ്ങിയത്. അന്ന് ക്ലാര്‍ക്കായിരുന്നു ഓസ്ട്രേലിയന്‍ നായകന്‍. 2017-18 സീസണിലും 4-0ന് ഇംഗ്ലണ്ട് പരാജയം ഏറ്റുവാങ്ങി.2017-19 പരമ്ബര 2-2ന് ഇംഗ്ലണ്ടില്‍ സമനിലയില്‍ അവസാനിച്ചതോടെ ആഷസ് അര്‍ണ്‍ ഇപ്പോള്‍ ഓസ്ട്രേലിയയുടെ കൈവശമാണുള്ളത്.
