രാജ്യത്തെ സിനിമാ പ്രേമികളുടെ ശ്രദ്ധയാകര്ഷിച്ച ചിത്രമായി കന്നഡയില് നിന്നുള്ള ‘കെജിഎഫ്’. യാഷ് നായകനായ ചിത്രം ‘കെജിഎഫ്ചാ, പ്റ്റര് രണ്ട്’ ബോക്സ് ഓഫീസില് റെക്കോര്ഡുകള് സൃഷ്ടിക്കുകയാണ്. മികച്ച പ്രതികരണമാണ് ചിത്രത്തിന് ഇപ്പോഴും തീയറ്ററുകളില് ലഭിക്കുന്നത്. ‘കെജിഎഫ്, ചാപ്റ്റര് രണ്ട്’ ഹിന്ദിയിലും കുതിപ്പ് തുടരുകയാണ്.
‘കെജിഎഫ്: ചാപ്റ്റര് രണ്ട്’ ഹിന്ദി പതിപ്പ് ബോക്സ് ഓഫീസില് കളക്ഷന് മുന്നൂറ് കോടി കവിഞ്ഞിരിക്കുകയാണ്. ‘ബാഹുബലി 2’ന് ശേഷം ഇതാദ്യമായാണ് ഒരു തെന്നിന്ത്യന് ചിത്രത്തിന്റെ ഹിന്ദി പതിപ്പ് ഈയൊരു നേട്ടം സ്വന്തമാക്കുന്നത്. മുന്നൂറ് കോടിയിലധികം കളക്ഷന് നേടുന്ന പത്താമത്തെ മാത്രം ഹിന്ദി ചിത്രമായി മാറുകയും ചെയ്തു.പ്രശാന്ത് നീലിന്റെ സംവിധാനത്തില് യാഷ് നായകനായ ‘കെജിഎഫ്, ചാപ്റ്റര് രണ്ട്’ റിലീസ് ചെയ്ത രണ്ടാമത്തെയാഴ്ചയിലേക്ക് എത്തിയപ്പോഴും മിക്ക തിയറ്ററുകളിലും ഹൗസ് ഫുള്ളോടെയാണ് പ്രദര്ശനം തുടരുന്നത്.
ചിത്രം റെക്കോര്ഡ് പ്രതികരണം നേടിയ മാര്ക്കറ്റുകളില് ഒന്ന് കേരളമാണ്. കേരളത്തില് ഏത് ഭാഷാ ചിത്രവും എക്കാലത്തും നേടുന്ന ഏറ്റവും മികച്ച റിലീസ് ദിന കളക്ഷന് നിലവില് ‘കെജിഎഫ് 2’ന്റെ പേരിലാണ്. മോഹന്ലാല് നായകനായ വി എ ശ്രീകുമാര് ചിത്രം ‘ഒടിയ’ന്റെ റെക്കോര്ഡ് ആണ് ചിത്രം ബ്രേക്ക് ചെയ്തത്.