ഡിവൈഎസ്പിമാരായ സദാനന്ദനും പ്രിന്സ് അബ്രഹാമിനുമെതിരെ കടുത്ത വിമര്ശനവുമായി ബിജെപി നേതാവ് കെ. സുരേന്ദ്രന്. തലശ്ശേരിയിലെ എന്ഡിഎഫ് പ്രവര്ത്തകനായിരുന്ന മുഹമ്മദ് ഫസലിനെ വധിച്ചതുമായി ബന്ധപ്പെട്ട്, ആര്എസ്എസ് പ്രവര്ത്തകന് സുബീഷിന്റേതായി ഇപ്പോള് പുറത്തുവന്ന വീഡിയോയുടെയും ശബ്ദരേഖയുടെയും പശ്ചാത്തലത്തിലാണ് കെ. സുരേന്ദ്രന് ഫേസ്ബുക്ക് പോസ്റ്റിലൂടെ വിമര്ശനമുന്നയിച്ചിരിക്കുന്നത്.
ജയരാജനും സംഘവും കാരായി രാജനേയും ചന്ദ്രശേഖരനേയും രക്ഷപ്പെടുത്താന് ഏത് കുടിലതന്ത്രവും പ്രയോഗിക്കുമെന്നതില് അദ്ഭുതമില്ല. എന്നാല് ഡി. വൈ. എസ്. പി മാരായ സദാനന്ദനും പ്രിന്സ് അബ്രഹാമും ഇത് ചെയ്യുന്നത് ശരിയാണോ എന്നും അവരെ ഫസല് കേസ്സ് പുനരന്വേഷിക്കാന് പിണറായി സര്ക്കാര് ഏല്പ്പിച്ചിട്ടുണ്ടോയെന്നും സുരേന്ദ്രന് ചോദിക്കുന്നു.
സി. പി. എം കാരായ ഈ രണ്ട് പോലീസ് ഉദ്യോഗസ്ഥരും ചേര്ന്ന് സി. ബി. ഐ അന്വേഷിച്ചുകൊണ്ടിരിക്കുന്ന ഒരു കേസ്സിലെ പ്രതികളെ രക്ഷിക്കാനാണ് ഈ സി. ഡി നാടകം ഉണ്ടാക്കിയത്. എടോ സദാനന്ദാ, പ്രിന്സേ നീയൊക്കെ പാര്ട്ടിക്കാരന്മാരാണെങ്കില് രാജി വെച്ചിട്ട് ആ പണിക്കു പോകണം. ഇമ്മാതിരി വൃത്തികേടു കാണിച്ചാല് അത് മനസ്സിലാവാതിരിക്കാന് ഞങ്ങള് വെറും പോഴന്മാരൊന്നുമല്ല. സര്വീസ് കാലാവധി കഴിഞ്ഞാല് നിങ്ങളും ഞങ്ങളുമൊക്കെ വെറും സാദാ പൗരന്മാര് തന്നെ. മൈന്ഡ് ഇററ് സുരേന്ദ്രന്റെ ഫേസ്ബുക്ക് പോസ്റ്റില് പറയുന്നു.
സുരേന്ദ്രന്റെ ഫേസ്ബുക്ക് പോസ്റ്റിന്റെ പൂര്ണ രൂപം:
ജയരാജനും സംഘവും കാരായി രാജനേയും ചന്ദ്രശേഖരനേയും രക്ഷപ്പെടുത്താന് ഏത് കുടിലതന്ത്രവും പ്രയോഗിക്കുമെന്നതില് അദ്ഭുതമില്ല. എന്നാല് ഡി. വൈ. എസ്. പി മാരായ സദാനന്ദനും പ്രിന്സ് അബ്രഹാമും ഇത് ചെയ്യുന്നത് ശരിയാണോ? എന്താണ് അവര്ക്ക് ഈ കേസ്സിലുള്ള താല്പ്പര്യം? അവരെ ഫസല് കേസ്സ് പുനരന്വേഷിക്കാന് പിണറായി സര്ക്കാര് ഏല്പ്പിച്ചിട്ടുണ്ടോ? പ്രസക്തമായ ചോദ്യമാണ് ഞാന് ചോദിക്കുന്നത്.
സുരേന്ദ്രന്റെ ഫെയ്സ് ബുക്കിന്റെ പൂർണ്ണരൂപം ചുവടെ;
FLASHNEWS