തിരുവനന്തപുരം: വ്യാപാര സ്ഥാപനങ്ങളില് ഏര്പ്പെടുത്തിയ പുതിയ കോവിഡ് മാനദണ്ഡങ്ങളില് എതിര്പ്പുമായി കോണ്ഗ്രസ്. കടയില് എത്തുന്ന സാധാരണക്കാര്ക്ക് ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റ് അടക്കമുള്ള നിബന്ധനകള് കൊണ്ടുവന്ന സര്ക്കാര് നടപടി വിവേചനമാണെന്നും തെറ്റാണെന്നും കെ.പി.സി.സി അധ്യക്ഷന് കെ.സുധാകരന് പറഞ്ഞു.
ബിവ്റേജില് നൂറുകണക്കിന് ആളുകള്ക്ക് ക്യൂ നില്ക്കാന് വാക്സിനേഷന് സര്ട്ടിഫിക്കറ്റ് വേണ്ട. എന്നാല് കടയില് പോകുന്ന സാധാരണക്കാര്ക്ക് ഈ സര്ട്ടിഫിക്കറ്റുകള് വേണം. ഇതിനു പിന്നിലുള്ള നിബന്ധന മനസ്സിലാകുന്നില്ല. നിര്ദേശം പുനഃപരിശോധിക്കണമെന്നും
വിവേചനപരമാണെന്നും തെറ്റ് തിരുത്തണമെന്നും സുധാകരന് ആവശ്യപ്പെട്ടു.