സിംഗപ്പൂര്‍: മയക്കുമരുന്നു കടത്തിയെന്നു കണ്ടെത്തിയ മലേഷ്യന്‍ പൗരനായ ഇന്ത്യന്‍ വംശജന്‍ കല്‍വന്ത് സിംഗി(31)ന്‍റെ വധശിക്ഷ സിംഗപ്പൂര്‍ നടപ്പാക്കി.
ചാംഗി ജയിലില്‍ ഇന്നലെ തൂക്കിലേറ്റുകയായിരുന്നു. വധശിക്ഷയ്ക്കെതിരേ ഇദ്ദേഹം നല്കിയ അപ്പീല്‍ ഉന്നത കോടതി തള്ളിയിരുന്നു.
2013ലാണ് കല്‍വന്ത് സിംഗ് അറസ്റ്റിലായത്. 2016ല്‍ വധശിക്ഷയ്ക്കു വിധിക്കപ്പെട്ടു. സിംഗപ്പൂര്‍ പൗരനായ നൊരശരീ ഗൗസ് എന്നയാളെയും ഇതേ കുറ്റത്തിന് ഇന്നലെ തൂക്കിലേറ്റി.
