തിരുവനന്തപുരം: സംസ്ഥാനത്ത് കനത്ത മഴ തുടരുന്നു. പന്ത്രണ്ട് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചു.
പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട്.
അടുത്ത മൂന്ന് മണിക്കൂറില് കേരളത്തില് കോട്ടയം, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഒറ്റപ്പെട്ടയിടങ്ങളില് മഴയ്ക്ക് സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മത്സ്യത്തൊഴിലാളികള് കടലില് പോകരുതെന്ന് അധികൃതര് മുന്നറിയിപ്പ് നല്കി.
ജലനിരപ്പ് ഉയര്ന്നതിനാല് കോഴിക്കോട് കക്കയം ഡാമില് റെഡ് അലര്ട്ട് പ്രഖ്യപിച്ചു. ഷട്ടര് മൂന്നടി വരെ ഉയര്ത്തി വെള്ളം തുറന്നുവിടുന്നുണ്ട്. കുറ്റ്യാടിപ്പുഴയുടെ തീരത്തുള്ളവര്ക്ക് ജാഗ്രത നിര്ദേശം നല്കി. പാലക്കാട് കാഞ്ഞിരപ്പുഴ ഡാം തുറന്നു. പാലക്കാട് മംഗലം ഡാം ഇന്ന് തുറക്കും.